അടിമാലി: മൂന്നാറിലും മഞ്ഞപ്പെട്ടിയിലുമായി മൂന്നുപേര്‍ വ്യാജമദ്യവുമായി അറസ്റ്റിലായി. മഞ്ഞപ്പെട്ടിയില്‍ അനധികൃതമായി മദ്യക്കച്ചവടം നടത്തിവന്നയാള്‍ മൂന്നര ലിറ്റര്‍ ഇന്ത്യന്‍ നിര്‍മിത വിദേശമദ്യവുമായി പിടിയില്‍. മഞ്ഞപ്പെട്ടി കുര്യന്‍പ്ലാക്കല്‍ പ്രകാശി (പ്രഭ-56) നെയാണ് ഉടുമ്പന്‍ചോല എക്‌സൈസ് സംഘം പിടികൂടിയത്. അരലിറ്റര്‍ വീതമുള്ള ഏഴുകുപ്പി മദ്യമാണ് പിടികൂടിയത്്. രഹസ്യ വിവരത്തേത്തുടര്‍ന്ന് എത്തിയ എക്‌സൈസ് സംഘം പിടികൂടിയ പ്രതിയെ കോടതിയില്‍ ഹാജരാക്കി റിമാന്റ് ചെയ്തു. മൂന്നാര്‍ എക്‌സൈസ് സര്‍ക്കിള്‍ ടീം ചിറ്റുവരെ എസ്‌റ്റേറ്റില്‍ ചിറ്റുവരൈയില്‍ താമസിക്കുന്ന വെള്ളയപ്പന്റെ ഭാര്യ കുട്ടിയെ 13 ലിറ്റര്‍ വ്യാജ മദ്യവുമായും ഇവിടെത്തന്നെയുള്ള സുബ്രമണ്യന്റെ ഭാര്യ ശാന്തിയെ 7 ലിറ്റര്‍ വ്യാജ മദ്യവുമായും പിടികൂടി. കുട്ടിയെ സംഭവസ്ഥലത്ത് വച്ച് അറസ്റ്റ് ചെയ്തു.