തിരുവനന്തപുരം: പ്രവേശന പരീക്ഷ കമ്മിഷണര്‍ സ്ഥാനത്ത് നിന്ന് ഡോ എം.ടി റെജുവിനെ മാറ്റി. എം.എസ് ജയയാണ് പുതിയ പ്രവേശന പരീക്ഷ കമ്മിഷണര്‍. ഇന്നു ചേര്‍ന്ന മന്ത്രിസഭായോഗത്തിലാണ് തീരുമാനം.

സ്വാശ്രയ മെഡിക്കല്‍ പ്രവേശനവുമായി ബന്ധപ്പെട്ട പ്രശ്‌നങ്ങളാണ് നടപടിയ്ക്ക് പിന്നില്‍. പ്രവേശനവുമായി ബന്ധപ്പെട്ട് സര്‍ക്കാരിനെയും പ്രവേശന പരീക്ഷാ കമ്മിഷണറെയും ശാസിച്ച് ഹൈക്കോടതി രംഗത്തുവരികയും ചെയ്തിരുന്നു.

മാനേജ്‌മെന്റുകളുടെ കളിപ്പാവയായി സര്‍ക്കാര്‍ മാറുന്നുവെന്ന് ചൂണ്ടിക്കാട്ടിയായിരുന്നു ഹൈക്കോടതിയുടെ വിമര്‍ശനം. പല കോളജുകളെയും സഹായിക്കാനായി നീക്കം നടക്കുന്നുണ്ടെന്നും കോടതി വിമര്‍ശിച്ചിരുന്നു.