തിരുവനന്തപുരം: സ്വാശ്രയ മെഡിക്കല്‍ വിഷയത്തില്‍ കോടതി വിധി വന്നതിനു പിന്നാലെ എസ്.എഫ്.ഐയേയും ഡി.വൈ.എഫ്.ഐയേയും പരിഹസിച്ച് വി.ടി.ബല്‍റാം എം.എല്‍.എ.

സ്വാശ്രയ സമരത്തില്‍ മുന്‍പ് പ്രതിപക്ഷ എം.എല്‍.എമാര്‍ നിയമസഭാ സമ്മേളനം കഴിയും വരെ നിരാഹാരമനുഷ്ഠിച്ച സമയത്ത് 'ഒരു ബ്രേക്ക്ഫാസ്റ്റ് മാത്രമുപേക്ഷിച്ച് സമരം നടത്തിയവര്‍' എന്ന് വലിയവായില്‍ ആക്ഷേപിക്കുകയും പരിഹസിക്കുകയും ചെയ്ത ഡിഫി, എസ്എഫ്‌ഐ നേതാക്കള്‍ ഇപ്പോഴത്തെ ഈ കടുംവെട്ടിനെതിരെ ഒരു കട്ടന്‍ചായയെങ്കിലും ഉപേക്ഷിച്ചുള്ള സമരം നടത്താന്‍ കടന്നുവരുമോ എന്നാണ് വി.ടി ബല്‍റാം ഫെയ്‌സ്ബുക്കിലൂടെ ചോദിച്ചത്.

പിണറായി എന്ന് കേള്‍ക്കുമ്പോള്‍ മുട്ടിടിക്കുന്ന 'വിദ്യാര്‍ത്ഥി, യുവജന' പ്രസ്ഥാനങ്ങളുടെ കാര്യം കഷ്ടമാണെന്നും ബല്‍റാം പറഞ്ഞു.