കണിയാമ്പറ്റ: തിരുവോണ നാളില്‍ വൃദ്ധസദനത്തില്‍ സൗഹൃദകൂട്ടായ്മയും, സദ്യയുമൊരുക്കി ജില്ലാ വനിതാലീഗ് മാതൃകയായി.
വൃദ്ധസദനത്തിലെ അശരണരായ അന്തേവാസികള്‍ക്കൊപ്പമായിരുന്നു വനിതാലീഗ് ജില്ലാ കമ്മിറ്റി സംഘടിപ്പിച്ച ഓണവിരുന്ന്. കാരുണ്യ പ്രവര്‍ത്തനങ്ങളിലും, സേവന പ്രവര്‍ത്തനങ്ങളിലും രാഷ്ട്രീയ പാര്‍ട്ടികള്‍ക്ക് മാതൃകയായിരുന്നു വനിതാലീഗിന്റെ വൃദ്ധസദനത്തിലെ മതാപിതാക്കള്‍ക്കൊപ്പമുള്ള ഓണവിരുന്ന്. വാര്‍ദ്ധക്യത്തില്‍ ഒറ്റപ്പെടുന്ന അവസ്ഥമാറി, സമൂഹം തങ്ങള്‍ക്കൊപ്പമാണെന്ന അവസ്ഥ മാറ്റിയെടുക്കാനും വനിതാലീഗിന്റെ പ്രവര്‍ത്തനത്തിലൂടെ സാധ്യമായി. സൗഹൃദ കൂട്ടായ്മ മുസ്‌ലിംലീഗ് ജില്ലാ പ്രസിഡണ്ട് പി.പി.എ കരീം ഉദ്ഘാടനം ചെയ്തു. വനിതാലീഗ് ജില്ലാ പ്രസിഡന്റ് ബഷീറ അബൂബക്കര്‍ അധ്യക്ഷയായി. ജില്ലാലീഗ് വൈസ്പ്രസിഡന്റ് പി.കെ അബൂബക്കര്‍, റസാഖ് കല്‍പ്പറ്റ, ഇസ്മായില്‍ പി, കെ. ഹാരിസ്, വി.പി യൂസുഫ്, കാട്ടി ഗഫൂര്‍, മോയിന്‍, ബീന അബൂബക്കര്‍, സല്‍മ മോയി, നദീറ മുസ്തഫ, ആസ്യാമൊയ്തു, റസീന സുബൈര്‍ സംസാരിച്ചു. സൗജത്ത് ഉസ്മാന്‍ സ്വാഗതവും, കെ കുഞ്ഞായിശ നന്ദിയും പറഞ്ഞു.