യുഎഇ പ്രസിഡണ്ട് H.H. ഷെയ്ഖ് മുഹമ്മദ് ബിൻ സായിദ് അൽ നഹ്യാൻ സഊദി കിരീടാവകാശി H.R.H. പ്രിൻസ് മുഹമ്മദ് ബിൻ സൽമാൻ ബിൻ അബ്ദുൽഅസീസ് അൽ സഊദുമായി കൂടിക്കാഴ്ച നടത്തി. അൽ ഐനിൽ വെച്ചായിരുന്നു കൂടിക്കാഴ്ച.

എമിരേറ്റ്സ് ന്യൂസ് ഏജൻസിയാണ് ഇക്കാര്യം റിപ്പോർട്ട് ചെയ്തത്. സൗഹൃദസന്ദർശനത്തിന്റെ ഭാഗമായാണ് പ്രിൻസ് മുഹമ്മദ് ബിൻ സൽമാൻ യുഎഇയിലെത്തിയത്. അൽ ഐനിലെ ഖസ്ർ അൽ റൗദയിൽ വെച്ച് നടന്ന കൂടിക്കാഴ്ചയിൽ, യു എ ഇ പ്രസിഡണ്ട് സഊദി കിരീടാവകാശിയെ യു എ ഇയിലേക്ക് സ്വാഗതം ചെയ്തു.

ഇരുരാജ്യങ്ങളും തമ്മിലുള്ള അതിശക്തമായ ബന്ധങ്ങളെക്കുറിച്ച് ഇരുവരും ചർച്ച ചെയ്തു. അതേസമയം യുഎഇയുടെ അമ്പത്തിമൂന്നാമത് ദേശീയ ദിനാഘോഷങ്ങളുടെ (ഈദുൽ ഇത്തിഹാദ്) വേളയിൽ സഊദി കിരീടാവകാശി ആശംസകൾ നേർന്നു. യുഎഇ – സഊദി ബന്ധം കൂടുതൽ ശക്തമാക്കുന്നതിനെക്കുറിച്ച് ചർച്ചകൾ നടത്തിയ ഇരുവരും വികസനത്തിൽ ഊന്നിയുള്ള സഹകരണം കൂടുതൽ മെച്ചപ്പെടുത്തുന്നതിന്റെ വിവിധ വശങ്ങൾ അവലോകനം ചെയ്യുകയും ചെയ്തു. കൂടാതെ ഗൾഫ് മേഖലയിലെ സഹകരണം കൂടുതൽ മെച്ചപ്പെടുത്തുന്നതിനെക്കുറിച്ചും ഇരുവരും ചർച്ചകൾ നടത്തി.

UAE President Mohamed bin Zayed Al Nahyan met with Saudi Crown Prince Mohammed bin Salman to discuss strengthening bilateral relations and addressing regional issues.