പെരുമ്പാവൂര്‍: കൊമ്പനാട് ക്ഷീരോത്പാദന സംഘത്തിന്റെ 19-ാമത് വാര്‍ഷിക പൊതുയോഗവും അവാര്‍ഡ് ദാനവും സംഘം ഓഫീസില്‍ നടന്നു.
കഴിഞ്ഞ സാമ്പത്തീക വര്‍ഷം ഏറ്റവും കൂടുതല്‍ പാല്‍ അളന്ന എം.വി ബിജു മുഞ്ചാക്കലിന് അഡ്വ. എല്‍ദോസ് കുന്നപ്പിള്ളി എം.എല്‍.എ അവാര്‍ഡ് നല്‍കി. രണ്ടാം സ്ഥാനം മോളി എല്‍ദോ കക്കാട്ടുകുടിക്കും മൂന്നാം സ്ഥാനം സുനി സുനില്‍ നാരകത്തുകുടിക്കും ലഭിച്ചു.
സംഘം പ്രസിഡന്റ് എന്‍.വി എല്‍ദോ അധ്യക്ഷത വഹിച്ചു. എസ്.എസ്.എല്‍.പി - പ്ലസ്ടു അവാര്‍ഡ് ദാനം കൂവപ്പടി ബ്ലോക്ക് പഞ്ചായത്ത് പ്രസിഡന്റ് ബിന്ദു ഗോപാലകൃഷ്ണന്‍ വിതരണം ചെയ്തു.
ജില്ലാ പഞ്ചായത്തംഗം ബേസില്‍ പോള്‍, വേങ്ങൂര്‍ ഗ്രാമപഞ്ചായത്ത് പ്രസിഡന്റ് എം.എ ഷാജി, സരള കൃഷ്ണന്‍കുട്ടി, സാബു വര്‍ഗ്ഗീസ്, സുധീഷ് ബാലന്‍, ഡോ. ആശലത എന്നിവര്‍ സംസാരിച്ചു.