തിരുവനന്തപുരം: പ്രതിപക്ഷ നേതൃനിരയിലേക്ക് വരാന്‍ ഉമ്മന്‍ചാണ്ടി യോഗ്യനാണെന്ന് കെ മുരളീധരന്‍ എം.എല്‍.എ. ആര്‍.എസ്.പി നേതാവ് എ.എ അസീസിന്റെ പ്രസ്താവനയെ അനുകൂലിച്ചാണ് മുരളീധരന്റെ പ്രതികരണം.

ഉമ്മന്‍ചാണ്ടി നേതൃത്വം ഏറ്റെടുക്കണമെന്നതാണ് കോണ്‍ഗ്രസ് പ്രവര്‍ത്തകരുടെ ആഗ്രഹം. ഈ ആഗ്രഹം ഉള്‍ക്കൊളളുന്ന ആളാണ് താനെന്നും
പ്രതിപക്ഷത്തിന്റെ സമരങ്ങള്‍ കൂടുതല്‍ ശക്തിപ്പെടുത്തണമെന്ന ആവശ്യം ഉയരുന്നുണ്ടെന്നുമായിരുന്നു മുരളീധരന്റെ പ്രതിരകരണം.

കഴിഞ്ഞ ദിവസമാണ് പ്രതിപക്ഷ നേതാവ് രമേശ് ചെന്നിത്തലയെ ശക്തമായി വിമര്‍ശിച്ചും ഉമ്മന്‍ചാണ്ടി പ്രതിപക്ഷ നേതാവാകണമെന്നും അഭിപ്രായപ്പെട്ട് ആര്‍.എസ്.പി സംസ്ഥാന സെക്രട്ടറി എ.എ അസീസ് രംഗത്തെത്തിയിരുന്നു. എന്നാല്‍ ഇത് വിവാദമായതോടെ അദ്ദേഹം തിരുത്തുകയും ചെയ്തിരുന്നു.