അരപ്പറ്റ: കേരള വ്യാപാരി വ്യവസായി ഏകോപന സമിതി അരപ്പറ്റ യൂനിറ്റ് വ്യാപാരി ദിനാചരണം നടത്തി. എസ്.എസ്.എല്‍.സി, പ്ലസ്ടു പരീക്ഷകളില്‍ ഉന്നതവിജയം നേടിയ വിദ്യാര്‍ഥികളെയും അണ്ടര്‍ 19 സ്റ്റേറ്റ് ജൂനിയര്‍ ഫുട്‌ബോള്‍ ടീമിലേക്ക് അരപ്പറ്റയില്‍ നിന്നും സെലക്ഷന്‍ ലഭിച്ച ശാഫി, ജിജീഷ്, ജി.എസ്.ഇ.ബി, സെന്‍ട്രല്‍ എക്‌സൈസ് ടീമുകളിലേക്ക് സെലക്ഷന്‍ ലഭിച്ച അനീഷ്, മസൂദ്, ആദ്യകാല വ്യാപാരികളായ വീട്ടിലന്‍, സുബ്ബുണ്ണന്‍ എന്നിവരെ ചടങ്ങില്‍ ആദരിച്ചു. വ്യാപാര കുടുംബ സംഗമത്തില്‍ അരപ്പറ്റ എയിംസ് വുമണ്‍സ് കോളജ് പ്രിന്‍സിപ്പല്‍ മജീദ് ഫാമിലി കൗണ്‍സിലിങ് ക്ലാസെടുത്തു. എ. ഗോപി ഉദ്ഘാടനം ചെയ്തു.
പ്രസിഡന്റ് എസ്.ടി അല്‍ഫോണ്‍സ് അധ്യക്ഷനായി. മുപ്പൈനാട് ഗ്രാമ പഞ്ചായത്തംഗങ്ങളായ പി.സി ഹാരിസ്, യശോദ, സംഗീത, കല്‍പ്പറ്റ ബ്ലോക്കംഗം വിജയ കുമാരി, സി.എച്ച് സുബൈര്‍, എം.വി ഹംസ, പത്മനാഭന്‍, ജി. ഇബ്‌റാഹീം, പി.എ ജാഫര്‍ സാദിഖ് സംസാരിച്ചു.
പനമരം: വ്യാപാരി വ്യവസായി ഏകോപന സമിതി യൂനിറ്റ് വ്യാപാര ദിനാചരണത്തന്റെ ഭാഗമായി വിവിധ പരിപാടികള്‍ സംഘടിപ്പിച്ചു. പ്രസിഡന്റ് എം.കെ അബ്ദുല്‍ നാസര്‍ പതാക ഉയര്‍ത്തി. യൂനിറ്റ് കമ്മിറ്റി പുതുതായി നിര്‍മിക്കുന്ന കെ.വി.വി.എസ് അപാര്‍ട്ട്‌മെന്റിന് ജില്ലാ പ്രസിഡന്റ കെ.കെ വാസുദേവന്‍ ശിലയിട്ടു. വ്യാപാരികളുടെ മക്കളില്‍ എസ്.എസ്.എല്‍.സി, പ്ലസ് ടു പരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ക്ക് മെമന്റോ വിതരണം ചെയ്തു.
സ്തുത്യര്‍ഹമായ സേവനം നടത്തിയ പനമരം കനറാ ബാങ്ക് മാനേജര്‍ ജോയിക്ക് ഉപഹാരം നല്‍കി. സെക്രട്ടറി കെ.ടി ഇസ്മായില്‍, ട്രഷറര്‍ സെബാസ്റ്റ്യന്‍ സോണ, കെ.സി സഹദ്, യൂനസ് പൂമ്പാറ്റ നേതൃത്വം നല്‍കി. ടൗണില്‍ വിളംബര ജാഥയും നടത്തി.