തുറവൂര്‍: വളമംഗലംഅനന്തന്‍ കരിയില്‍ ചതുപ്പില്‍ പൂണ്ട മുല്ലയ്ക്കല്‍ ബാലകൃഷ്ണനെന്ന കൊമ്പനെ രക്ഷിക്കാന്‍ പ്രയന്തിച്ചവരെ ആദരിച്ചു.
കേരളാ ഫെസ്റ്റിവല്‍ കോര്‍ഡിനേഷന്‍ ജില്ലാ കമ്മിറ്റിയാണ് രക്ഷാപ്രവര്‍ത്തനത്തില്‍ വിവിധ വകുപ്പുകളില്‍ നിന്നും പങ്കെടുത്തവര്‍ക്കും നാട്ടുകാരായ രക്ഷാപ്രവര്‍ത്തകര്‍ക്കും വിദഗ്ധ പാപ്പാന്മാര്‍ക്കും സ്വീകരണം നല്‍കിയത്.തുറവൂര്‍ മഹാക്ഷേത്രത്തിന് സമീപത്ത് ഇന്നലെ കേരളാ എലിഫെന്റ് ഓണേഴ്‌സ് ഫെഡറേഷന്റെ സഹകരണത്തോടെയാണു സ്വീകരണ സമ്മേളനം നടത്തിയത്.
എ.എം.ആരീഫ് എം.എല്‍.എ. ഉദ്ഘാടനം ചെയ്തു. കേരളാ ഫെസ്റ്റിവല്‍ കോര്‍ഡിനേഷന്‍ സംസ്ഥാന സെക്രട്ടറി രാജേഷ് പുല്ലാട്ട് അധ്യക്ഷത വഹിച്ചു.
ജില്ലാ കലക്ടര്‍ റ്റി.വി.അനുപമ മുഖ്യാതിഥിയായിരുന്നു. തിരുവിതാംകൂര്‍ ദേവസ്വം ബോര്‍ഡ് അംഗങ്ങളായ അജയ് തറയില്‍, കെ.രാഘവന്‍ എന്നിവര്‍ ഉപഹാരങ്ങള്‍ നല്‍കി.