ദോഹ: സമസ്ത കേരള ജംഇയ്യത്തുല്‍ ഉലമയുടെ അധ്യക്ഷനായ ശേഷം ആദ്യമായി ഖത്തറിലെത്തിയ സയ്യിദ് ജിഫ്രി മുത്തുക്കോയ തങ്ങള്‍ക്ക് ഖത്തര്‍ ഇസ്‌ലാമിക് സെന്റര്‍, അലിഫ് ഖത്തര്‍, എസ്.കെ.എസ്.എസ്.എഫ് ഖത്തര്‍, മുണ്ടക്കുളം ശംസുല്‍ ഉലമ കോംപ്ലക്‌സ് ഭാരവാഹികള്‍ ചേര്‍ന്നു ദോഹ ഹമദ് ഇന്റര്‍നാഷണല്‍ എയര്‍പോര്‍ട്ടില്‍ സ്വീകരണം നല്‍കി.
കെ.ബി.കെ മുഹമ്മദ്, സുബൈര്‍ ഫൈസി കട്ടുപ്പാറ, ലക്‌സസ് അസീസ് ഹാജി, അസീസ് കോളയാട്, ജഅഫര്‍ കതിരൂര്‍, റഫീഖ് മാങ്ങാട്, അഷ്‌റഫ് ചക്കോല, ഫൈസല്‍ നിയാസ് ഹുദവി കൊല്ലം, റഷീദ് യമാനി കൊയിലാണ്ടി, ഇല്ല്യാസ് ദാരിമി മണ്ണാര്‍ക്കാട്, അനസ് യമാനി, ജഅഫര്‍ മുതുപറമ്പ് , അബൂബക്കര്‍ മൗലവി മടവൂര്‍, കൊളത്തൂര്‍ അബ്ദുറഹ്മാന്‍ മുസ്‌ലിയാര്‍, സുഹൈല്‍ വാഫി, അബ്ദുല്‍ ഹകീം വാഫി, അഷ്‌റഫ് ബാഖവി മാമ്പ, അബ്ദുസ്സലാം കാളികാവ്, ജമാല്‍ മീത്തല്‍വയല്‍, കെ.എസ് അബ്ദുല്ല, നാസര്‍ കൈതക്കാട്, ഹനീഫ് തളിപറമ്പ് എന്നിവര്‍ സംബന്ധിച്ചു.
മുണ്ടക്കുളം എസ്.എം.ഐ.സി ഭാരവാഹികളായ ഗഫൂര്‍ ദാരിമി, കെ.പി ബാപ്പു ഹാജി, സൈന്‍ മൊയ്തീന്‍ കുട്ടി ഹാജി, അബ്ദുല്ല വടകര, ഹാരിസ് മാസ്റ്റര്‍ എന്നിവര്‍ ജിഫ്രി തങ്ങളോടൊപ്പം ഖത്തറിലെത്തിയിട്ടുണ്ട്. ദോഹയിലെ വിവിധ പരിപാടികളില്‍ സംബന്ധിക്കുന്ന തങ്ങള്‍ വെള്ളിയാഴ്ച രാത്രി 6.30ന് കെ.എം.സി.സിയില്‍ നടക്കുന്ന പൊതുസ്വീകരണ പരിപാടി കഴിഞ്ഞ് നാട്ടിലേക്ക് മടങ്ങും.