കടുത്തുരുത്തി: കഞ്ചാവു വില്‍പന നടത്തിയ കൗമാരകാരനെ പൊലിസ് പിടികൂടി. കല്ലറ ജംങ്ഷന് സമീപത്തു നിന്ന് പതിനേഴ്കാരനെ പൊതികളിലാക്കിയ ഏഴുഗ്രാം കഞ്ചാവുമായി പിടികൂടുകയായിരുന്നു. സ്‌കൂളുകള്‍ കേന്ദ്രീകരിച്ച് കഞ്ചാവ് വില്പന നടത്തുന്ന സംഘത്തെ കുറിച്ച് പോലീസിന് രഹസ്യവിവരം ലഭിച്ചിരുന്നു.പോലീസിന്റെ അന്വേഷണത്തെ തുടര്‍ന്ന് പതിനേഴുകാരന്‍ കുടുങ്ങുകയായിരുന്നു. പ്രതിയെ ജുവനൈല്‍ കോടതിയില്‍ ഹാജരാക്കി. സ്‌കൂള്‍ കുട്ടികളടക്കമുളള കൗമാരക്കാരെ ഉപയോഗിച്ചാണ് പ്രദേശത്ത് കഞ്ചാവ് വില്‍ന നടത്തുന്നതെന്ന് നാട്ടൂകാര്‍ പറഞ്ഞു. കഞ്ചാവ് മാഫിയ സംഘങ്ങളെ പിടികൂടുന്നതിനായി ശക്തമായ നടപടികള്‍ ആരംഭിച്ചതായി സി.ഐ കെ.പി തോംസണ്‍, എസ്.ഐ ജി. പ്രജീപ് കുമാര്‍ എന്നിവര്‍ അറിയിച്ചു.