ഒറ്റപ്പാലം: പാഠപുസ്തക വിതരണം അനിശ്ചിതത്വത്തില്‍. ഓണാത്തിന്നു മുന്‍പ് സ്‌കൂളുകളില്‍ എത്തേണ്ട പാഠപുസ്തകങ്ങളാണ് വിതരണം നടത്താതെ വിദ്യാഭ്യാസ വകുപ്പ് വിദ്യാര്‍ഥികളേയും,അധ്യാപകരേയും,
ഒരു പോലെ കുഴക്കുന്നത്. എല്‍.പി, യു.പി വിഭാഗങ്ങളിലാണ് പാഠപുസ്തകങ്ങള്‍ ഇതുവരേയും ലഭിക്കാത്തത് .എല്ലാ ക്ലാസുകളിലും നിലവിലുള്ള പാഠങ്ങള്‍ ക്ലാസെടുത്ത ശേഷം പുതിയ പുസ്തകങ്ങള്‍ക്കായുള്ള കാത്തിരിപ്പിലാണ് അധ്യാപകരും വിദ്യാര്‍ത്ഥികളും. പാഠപുസ്തകങ്ങള്‍ വിതരണം വൈകുന്നതില്‍ പ്രതിഷേധം ഇതിനകം ഉയര്‍ന്നു കഴിഞ്ഞു.
എല്‍.ഡി.എഫ് സര്‍ക്കാര്‍ വന്നതിന്നു ശേഷം മൂന്ന് വോളിയം ആക്കിയാണ് പാഠപുസ്തകള്‍ വിതരണം നടത്താന്‍ തീരുമാനിച്ചിട്ടുള്ളത്.
ആദ്യഘട്ടം നേരത്തെ കൃത്യമായി സ്‌കൂളുകളില്‍ എത്തിച്ചിരുന്നു എന്നും, ഹൈസ്‌കൂള്‍ വിഭാഗം പാഠപുസ്തകങ്ങള്‍ എല്ലായിടത്തും എത്തിയതായും, വിതരണ പ്രശ്‌നങ്ങള്‍ പരിഹരിച്ച് എല്‍.പി, യു.പി സ്‌കൂളുകളില്‍ ഒരാഴ്ചക്കകം പാഠപുസ്തകങ്ങള്‍ എത്തുമെന്നും ഒറ്റപ്പാലം എ.ഇ.ഒ അറിയിച്ചു.