പേരൂര്‍ക്കട: വാഴോട്ടുകോണം രവിയുടെ പേരില്‍ ഏര്‍പ്പെടുത്തിയിട്ടുള്ള ഈ വര്‍ഷത്തെ പുരസ്‌കാരം അഡ്വ. കരകുളം കൃഷ്ണപിള്ളയ്ക്കു നല്‍കാന്‍ തീരുമാനിച്ചതായി വട്ടിയൂര്‍ക്കാവ് ബ്ലോക്ക് കോണ്‍ഗ്രസ് കമ്മിറ്റി അറിയിച്ചു.
സഹകരണരംഗത്തെ പതിറ്റാണ്ടുകള്‍ നീണ്ട പ്രവര്‍ത്തനം പരിഗണിച്ചാണ് പുരസ്‌കാരം. രവിയുടെ ചരമദിനമായ 19ന് വട്ടിയൂര്‍ക്കാവ് ജങ്ഷനില്‍ ചേരുന്ന അനുസ്മരണ സമ്മേളനത്തില്‍ കെ. മുരളീധരന്‍ എം.എല്‍.എ പുരസ്‌കാരവിതരണം നിര്‍വഹിക്കും.
കെ.പി.സി.സി ജനറല്‍ സെക്രട്ടറി തമ്പാനൂര്‍ രവി, ഡി.സി.സി പ്രസിഡന്റ് നെയ്യാറ്റിന്‍കര സനല്‍, ഡി.സി.സി അംഗം കാവല്ലൂര്‍ മധു സംബന്ധിക്കും.