തിരുവനന്തപുരം: പെട്രോളും ഡീസലും ഉപയോഗിക്കുന്നവരെല്ലാം സമ്പന്നരാണെന്നും അതിനാല്‍ മനഃപൂര്‍വ്വം തന്നെയാണ് പെട്രോള്‍ ഡീസല്‍ വില വര്‍ദ്ധിപ്പിക്കുന്നതെന്നുമുള്ള കേന്ദ്ര മന്ത്രി അല്‍ഫോന്‍സ് കണ്ണന്താനത്തിന്റെ പ്രസ്താവന ശുദ്ധ വിവരക്കേടാണെന്ന് പ്രതിപക്ഷ നേതാവ് രമേശ് ചെന്നിത്തല. ബീഫിന്റെ കാര്യത്തില്‍ ഇതേപോലൊരു വിവരക്കേട് അദ്ദേഹം പറഞ്ഞിട്ട് അധികം സമയമായില്ല. ഇന്ധന വില വര്‍ധിച്ചാല്‍ അത് വണ്ടിയുള്ളവരെ മാത്രമല്ല ബാധിക്കുന്നതെന്നറിയാന്‍ ഐ.എ.എസ് എടുക്കേണ്ട കാര്യമൊന്നുമില്ല. ഇന്ധന വില വര്‍ധിച്ചാല്‍ എല്ലാ സാധനങ്ങള്‍ക്കും വില കൂടുമെന്നും അദ്ദേഹം പറഞ്ഞു.