കോട്ടയം: ഗൗരി ലങ്കേഷിന്റെ കൊലപാതകം, ഹാദിയയുടെ വീട്ടുതടങ്കല്‍, റോഹിംഗ്യന്‍ വംശഹത്യ എന്നിവയ്‌ക്കെതിരേ കോട്ടയം പൗരാവകാശ സമിതി പ്രതിഷേധ കൂട്ടായ്മ സംഘടിപ്പിക്കും. നാളെ വൈകിട്ട് നാലിന് കോട്ടയം പഴയ ബസ് സ്റ്റാന്‍ഡിന് സമീപം നീതിബോധത്തിന്റെ പ്രതിരോധം എന്ന പേരിലാണ് സമരസായാഹ്്‌നം സംഘടിപ്പിക്കുന്നത്.ഇന്ത്യയിലെ മുതിര്‍ന്ന പത്രപ്രവര്‍ത്തകയും സാമൂഹികപ്രവര്‍ത്തകയുമായിരുന്ന ഗൗരി ലങ്കേഷിന്റെ കൊലപാതകം രാജ്യം അകപ്പെട്ടുകൊണ്ടിരിക്കുന്ന പ്രതിസന്ധിയുടെ നേര്‍ക്കാഴ്ചയാണെന്ന് പൗരാവകാശ സമിതി പ്രവര്‍ത്തകര്‍ വാര്‍ത്താസമ്മേളനത്തില്‍ ചൂണ്ടിക്കാട്ടി.