തിരുവനന്തപുരം: സംസ്ഥാന തയ്ക്വാണ്ടോ ചാംപ്യന്‍ഷിപ്പിന് തിരുവനന്തപുരം സെന്‍ട്രല്‍ സ്റ്റേഡിയത്തില്‍ തുടക്കം. ഭരണപരിഷ്‌കാര കമ്മിഷന്‍ അധ്യക്ഷന്‍ വി.എസ് അച്യുതാനന്ദന്‍ മത്സരം ഉദ്ഘാടനം ചെയ്തു. 35 കിലോയ്ക്ക് താഴെയുള്ള സബ്ജൂനിയര്‍ വിഭാഗം പെണ്‍കുട്ടികളുടെ മത്സരത്തില്‍ കണ്ണൂര്‍ ജില്ലയിലെ അനശ്വര, 16 കിലോയ്ക്ക് താഴെയുള്ളവരുടെ മത്സരത്തില്‍ തൃശൂരിന്റെ സന പി.എച്ച്, 29 കിലോക്ക് താഴെയുള്ള സബ്ജൂനിയര്‍ വിഭാഗം ആണ്‍കുട്ടികളുടെ മത്സരത്തില്‍ കണ്ണൂരിന്റെ ഹിറാഷ്, സബ്ജൂനിയര്‍ പെണ്‍കുട്ടികളുടെ അണ്ടര്‍ 29 കിലോ വിഭാഗത്തില്‍ കാസര്‍കോടിന്റെ ശ്രീലക്ഷ്മി, 41 കിലോക്ക് താഴെയുള്ള സബ്ജൂനിയര്‍ വിഭാഗം പെണ്‍കുട്ടികളുടെ മത്സരത്തില്‍ തൃശൂരിന്റെ ദില്‍ഷാന എന്നിവരാണ് ആദ്യ ദിനത്തില്‍ സ്വര്‍ണം സ്വന്തമാക്കിയത്.