ലണ്ടന്‍: പശ്ചിമ ലണ്ടനിലെ പാര്‍സല്‍ ഗ്രീന്‍ ഭൂഗര്‍ഭ ട്രെയിനില്‍ കഴിഞ്ഞ ദിവസമുണ്ടായ സ്‌ഫോടനവുമായി ബന്ധപ്പെട്ട് ഓള്‍കൂടി പിടിയില്‍.
പടിഞ്ഞാറന്‍ ലണ്ടനിലെ ഹൂണ്‍സ്ലോയില്‍ നിന്ന് ഇരുപത്തൊന്നുകാരനെയാണ് പിടികൂടിയതെന്ന് മെട്രോപൊളിറ്റന്‍ പൊലിസ് അറിയിച്ചു. ശനിയാഴ്ച രാത്രിയോടെയാണ് ഇയാളെ പിടികൂടിയത്.
എന്നാല്‍ ഇയാളുടെ വിശദാംശങ്ങല്‍ പുറത്തുവിട്ടിട്ടില്ല. ബ്രിട്ടന്‍ തീവ്രവാദ നിയമത്തിന്റെ അടിസ്ഥാനത്തിലാണ് ഇയാളെ അറസ്റ്റു ചെയ്തതെന്ന് പൊലിസ് അറിയിച്ചു.
സംഭവവുമായി ബന്ധപ്പെട്ട് നേരത്തെ ഒരാളെ അറസ്റ്റു ചെയ്തിരുന്നു. സൗത്ത് ഈസ്റ്റ് ഇംഗ്ലണ്ടിലെ ഡോവറില്‍ വച്ച് കെന്റ് പൊലിസാണ് ഇയാളെ അറസ്റ്റു ചെയ്തത്. വെള്ളിയാഴ്ച രാവിലെ ട്യൂബ് ട്രെയിനിലായിരുന്നു സ്‌ഫോടനം. സംഭവത്തില്‍ 30 പേര്‍ക്ക് പരുക്കേറ്റിരുന്നു.