ചാവക്കാട് : ഒരുമനയൂര്‍ പഞ്ചായത്തിലെ വിവിധയിടങ്ങളില്‍ തെരുവുനായ്ക്കളുടെ ശല്യം രൂക്ഷം. ഒരുമനയൂര്‍ നോര്‍ത്തില്‍ പശുവിനെ ആക്രമിച്ചു. ഒറ്റതെങ്ങില്‍ മദ്‌റസവിട്ടുവരികയായിരുന്ന കുട്ടികളെ പത്തിലധികം വരുന്ന നായ്ക്കള്‍ ആക്രമിച്ചു.സിപിഐ എം പ്രവര്‍ത്തകര്‍ നായ്ക്കളെ ഓടിച്ച് കുട്ടികളെ രക്ഷപ്പെടുത്തി. ഒരുമനയൂര്‍ നോര്‍ത്ത അമൃത വിദ്യാലയത്തിന് സമീപം ഉപ്പുങ്ങല്‍ ദാസന്റെ വീട്ടിലെ പശുവിനെയാണ് ഞായറാഴ്ച്ച വൈകിട്ട് നായ്ക്കള്‍ ആക്രമിച്ചത്.
നാല് നായ്ക്കള്‍ ചേര്‍ന്ന് പശുവിനെ കടിച്ചുവലിക്കുകയായിരുന്നു. ഞായറാഴ്ച്ച രാവിലെ ഒന്‍പതോടെ ഒറ്റതെങ്ങ് പുഴുക്കല്‍ റോഡില്‍ വച്ച് പരിസരാസികളായ നാല് കുട്ടികളെ നായ്ക്കള്‍ ആക്രമിക്കുകയായിരുന്നു. കുട്ടികളുടെ കരച്ചില്‍ കേട്ട് പരിസരത്തുണ്ടായിരുന്ന സി.പി.എം ഒരുമനയൂര്‍ ലോക്കല്‍ കമ്മിറ്റിയംഗം കെ.എന്‍ ലോഹിതാക്ഷന്റെ നേതൃത്വത്തില്‍ പ്രവര്‍ത്തകര്‍ നായ്ക്കളെ കല്ലും വടിയും ഉപയോഗപ്പെടുത്തി വിരട്ടിയോടിക്കുകയായരുന്നു.