ബംഗളുരു: കര്‍ണാടക മുന്‍ വഖഫ് മന്ത്രിയും കോണ്‍ഗ്രസിന്റെ മുതിര്‍ന്ന നേതാവുമായ ഖമറുല്‍ ഇസ്‌ലാം (69) അന്തരിച്ചു.

ബംഗളൂരു സ്വകാര്യ ആശുപത്രിയില്‍ ഹൃദയാഘാതം മൂലമായിരുന്നു മരണം. 1974 ല്‍ രാഷ്ട്രീയത്തില്‍ പ്രവേശിച്ച ഖമറുല്‍ ഇസ്‌ലാം കലബുര്‍ഗി മണ്ഡലത്തില്‍നിന്ന് ഏഴു തവണ നിയമ സഭയില്‍ എത്തിയിട്ടുണ്ട്.

മൂന്നു തവണ കോണ്‍ഗ്രസില്‍നിന്നും മൂന്നു തവണ മുസ്‌ലിം ലീഗില്‍നിന്നും മത്സരിച്ചു ജയിച്ചു. 1996 ല്‍ ജനതാദളില്‍ നിന്നും നിയമസഭയില്‍ എത്തി.

എസ്.എം കൃഷ്ണ മന്ത്രിസഭയില്‍ ഹജ്ജ് മന്ത്രി ഉള്‍പ്പടെയുള്ള വകുപ്പുകള്‍ കൈകാര്യം ചെയ്തിരുന്ന ഇദ്ദേഹം സിദ്ധരാമയ്യ മന്ത്രിസഭയില്‍ മൂന്നു വര്‍ഷം വഖഫ് മന്ത്രിയായിരുന്നു.