ബെര്‍ലിന്‍: ജര്‍മന്‍ ബുണ്ടസ് ലീഗ ടീം വോള്‍വ്‌സ്ബര്‍ഗ് പരിശീലകന്‍ അന്‍ഡ്രീസ് ജോന്‍കറെ പുറത്താക്കി. സീസണിലെ മോശം പ്രകടനത്തെ തുടര്‍ന്നാണ് കോച്ചിനെ പുറത്താക്കിയത്.
മുന്‍ മെയ്ന്‍സ് പരിശീലകന്‍ മാര്‍ടിന്‍ ഷ്മിഡറ്റാണ് വോള്‍വ്‌സിന്റെ പുതിയ കോച്ച്. 2019 വരെയാണ് ഷ്മിഡറ്റിന്റെ കരാര്‍. ഏഴ് വര്‍ഷം മെയ്ന്‍സിന്റെ വിവിധ ടീമുകളെ പരിശീലിപ്പിച്ചതിന്റെ പരിചയമുണ്ട് അദ്ദേഹത്തിന്.
സീസണില്‍ ബുണ്ടസ് ലീഗയില്‍ പുറത്താകുന്ന ആദ്യ കോച്ചായി ജോന്‍കര്‍ മാറി. ഇക്കഴിഞ്ഞ ഫെബ്രുവരിയിലാണ് ആഴ്‌സണല്‍ യൂത്ത് അക്കാദമിയുടെ പരിശീലക സ്ഥാനത്ത് നിന്ന് അദ്ദേഹം വോള്‍വ്‌സിന്റെ പാളയത്തിലെത്തിയത്. സീസണില്‍ ബുണ്ടസ് ലീഗ പോരാട്ടത്തില്‍ നാല് കളികളില്‍ ഒന്നില്‍ മാത്രമാണ് ടീം വിജയിച്ചത്.