മാഡ്രിഡ്: സ്പാനിഷ് ലാ ലിഗ പോരാട്ടത്തില്‍ റയല്‍ മാഡ്രിഡിന് വിജയം. ഒന്നിനെതിരേ മൂന്ന് ഗോളുകള്‍ക്ക് അവര്‍ റയല്‍ സോസിഡാഡിനെ കീഴടക്കി. ജയത്തോടെ റയല്‍ മാഡ്രിഡ് നാലാം സ്ഥാനത്ത്.
ബോര്‍ജ മയോറല്‍, കെവിന്‍ റോഡ്രിഗസ്, ഗെരത് ബെയ്ല്‍ എന്നിവരുടെ ഗോളുകളാണ് റയലിന് വിജയമൊരുക്കിയത്. മറ്റ് മത്സരങ്ങളില്‍ സെവിയ്യ- ജിറോനയേയും ലാസ് പല്‍മാസ് അത്‌ലറ്റിക്ക് ബില്‍ബാവോയേയും 1-0ത്തിന് കീഴടക്കി. ജയത്തോടെ സെവിയ്യ രണ്ടാമത്.

ബൊറൂസിയ തലപ്പത്ത്
മ്യൂണിക്ക്: ജര്‍മന്‍ ബുണ്ടസ് ലീഗയില്‍ ബൊറൂസിയ ഡോര്‍ട്മുണ്ടിന് തകര്‍പ്പന്‍ ജയം. മറുപടിയില്ലാത്ത അഞ്ച് ഗോളുകള്‍ക്ക് അവര്‍ കൊളോണിനെ കീഴടക്കി. ഔബമേയങ് ഇരട്ട ഗോളുകള്‍ നേടി. ജയത്തോടെ ബൊറൂസിയ ഒന്നാം സ്ഥാനത്തേക്ക കയറി.