കോഴിക്കോട്: എസ്.വൈ.എസ് ജില്ലാ ലീഡേഴ്‌സ് മീറ്റ് (കൗണ്‍സില്‍) ഒക്ടോബര്‍ രണ്ടിനു രാവിലെ ഒന്‍പതു മുതല്‍ അഞ്ചു വരെ എലത്തൂര്‍ എം.എം ഓഡിറ്റോറിയത്തില്‍ നടത്താന്‍ ജില്ലാ പ്രവര്‍ത്തകസമിതി തീരുമാനിച്ചു.
 രാവിലെ ഒന്‍പതിനു രജിസ്‌ട്രേഷന്‍ ആരംഭിക്കും. എസ്.വൈ.എസ് സംസ്ഥാന ജന. സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. ജില്ലാ പ്രസിഡന്റ് സി.എച്ച് മഹ്മൂദ് സഅദി അധ്യക്ഷനാകും. സലാഹുദ്ദീന്‍ ഫൈസി വല്ലപ്പുഴ മുഖ്യപ്രഭാഷണം നടത്തും. കര്‍മ പദ്ധതി നാസര്‍ ഫൈസി കൂടത്തായിയും ദഅ്‌വത്ത് സാലിം ഫൈസി കൊളത്തൂരും അവതരിപ്പിക്കും. ഗ്രൂപ്പ് ചര്‍ച്ച നിയന്ത്രണം അഷ്‌റഫ് ബാഖവി ചാലിയവും ക്രോഡീകരണം കെ.പി കോയയും നിര്‍വഹിക്കും. എ.ടി മുഹമ്മദ് മാസ്റ്റര്‍ പ്രമേയങ്ങള്‍ അവതരിപ്പിക്കും. മലയമ്മ അബൂബക്കര്‍ ഫൈസിയാണ് ക്യാംപ് അമീര്‍.
പ്രവര്‍ത്തകസമിതി യോഗം കെ.പി കോയ ഉദ്ഘാടനം ചെയ്തു. മലയമ്മ അബൂബക്കര്‍ ഫൈസി അധ്യക്ഷനായി. സൈനുല്‍ ആബിദീന്‍ തങ്ങള്‍, കുഞ്ഞമ്മദ് ബാഖവി നിട്ടൂര്‍, അഹമ്മദ്കുട്ടി ഹാജി കിനാലൂര്‍, പി. ഹസൈനാര്‍ ഫൈസി, ബാവ ജീറാനി, അയ്യൂബ് കൂളിമാട്, ഇസ്മാഈല്‍ ഹാജി എടച്ചേരി, നടുക്കണ്ടി അബൂബക്കര്‍, കെ.എം.എ റഹ്മാന്‍, ഹിഫ്‌സു റഹ്മാന്‍ പരുത്തിപ്പാറ, അബ്ദുറസാഖ് ഹാജി മായനാട്, ലത്തീഫ് ഹാജി എകരൂര്‍, കുട്ടോത്ത് മൂസ ഹാജി, കോയ ഹാജി കോടമ്പുഴ, ദീവാര്‍ അസൈന്‍ ഹാജി, ജമാല്‍ പോലൂര്‍, സി.പി.എ സലാം കൊയിലാണ്ടി, യൂസുഫ് ഫൈസി വെണ്ണക്കോട്, അന്‍സാര്‍ കൊല്ലം പ്രസംഗിച്ചു. നാസര്‍ ഫൈസി കൂടത്തായി സ്വാഗതവും അഷ്‌റഫ് ബാഖവി ചാലിയം നന്ദിയും പറഞ്ഞു.