ബാഷ്‌കര്‍തസ്താന്‍ (റഷ്യ): റഷ്യയിലെ ബാഷ്‌കര്‍തസ്താന്‍ പ്രവിശ്യയിലെ ഉഫയിലുള്ള റഷ്യന്‍ ഇസ്‌ലാമിക് യൂനിവേഴ്‌സിറ്റിയില്‍ ദാറുല്‍ഹുദാ വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വിക്കു സ്വീകരണം നല്‍കി.
ദ്വിദിന സന്ദര്‍ശനത്തിനായി ഉഫയിലെത്തിയ അദ്ദേഹത്തെ റെക്ടര്‍ പ്രൊഫ.അര്‍തൂര്‍ സുലൈമാനോവും ഡെപ്യൂട്ടി റെക്ടര്‍ പ്രൊഫ.സമീര്‍ ഹസ്രത്തും മറ്റു വാഴ്‌സിറ്റി അധികൃതരും കൂടി സ്വീകരിച്ചു.
വിവിധ ഇസ്‌ലാമിക വിഷയങ്ങളിലുള്ള ഡിപ്പാര്‍ട്ട്‌മെന്റുകളും അധ്യാപകരുമുള്ള യൂനിവേഴ്‌സിറ്റി 1998ലാണ് സ്ഥാപിതമായത്. യൂനിവേഴ്‌സിറ്റി അധ്യാപകരുമയി കൂടിക്കാഴ്ച നടത്തിയ അദ്ദേഹം ശരീഅ ഉസ്വൂലുദ്ദീന്‍ ഡിപ്പാര്‍ട്ട്‌മെന്റ് വിദ്യാര്‍ഥികളുമായി സംവദിച്ചു.