കാട്ടാക്കട: അമ്മയുടെ മൂന്നാം ഭര്‍ത്താവ് ആദിവാസി പെണ്‍കുട്ടിയെ പീഡിപ്പിച്ചു ഗര്‍ഭിണിയാക്കി. മാതാവ് പരാതി നല്‍കിയ വിവരമറിഞ്ഞ് പ്രതി തൂങ്ങി മരിച്ചു. അഗസ്ത്യവനത്തിലെ ആയിരംകാല ഊരിലാണ് സംഭവം. ആദിവാസി കൂടിയായ ഇതേ ഊരിലെ ഷിബു(28) വാണ് ആത്മഹത്യ ചെയ്തത്. പുറംനാട്ടില്‍ നാട്ടില്‍ നിന്നും 15 കിലോമീറ്റര്‍ അകലെയാണ് ആയിരംകാല. ഇതേ ഊരിലെ 19 കാരി പെണ്‍കുട്ടിയെയാണ് ഷിബു പീഡിപ്പിച്ചത്.
നിരവധി വാഗ്ദാനങ്ങളും പിന്നെ ഭീഷണിയും നല്‍കിയാണ് പെണ്‍കുട്ടിയെ പല തവണ പീഡിപ്പിച്ചത്. തുടര്‍ന്ന് പെണ്‍കുട്ടി ഗര്‍ഭിണിയായി. വിവരമറിഞ്ഞ് നെയ്യാര്‍ഡാം സ്റ്റേഷനില്‍ പരാതി നല്‍കി. ഈ വിവരം അറിഞ്ഞതിനെ തുടര്‍ന്നാണ് വീട്ടിനുള്ളില്‍ ജീവനൊടുക്കിയത്. നെയ്യാര്‍ഡാം പോലീസ് ഇന്‍ക്വസ്റ്റ് തയ്യാറാക്കി പോസ്റ്റ്മാര്‍ട്ടത്തിനായി വിട്ടു നല്‍കി.