സോള്‍: കൊറിയന്‍ മേഖലയില്‍ സംഘര്‍ഷ ഭീഷണി നിലനില്‍ക്കെ ഉത്തരകൊറിയക്ക് സഹായവുമായി ദക്ഷിണ കൊറിയ. എട്ട് മില്യന്‍ ഡോളറിന്റെ സഹായമാണ് ദക്ഷിണ കൊറിയ പ്രഖ്യാപിച്ചത്. ഉത്തരകൊറിയയിലെ പിഞ്ചുകുട്ടികളുടെയും ഗര്‍ഭിണികളുടെയും ക്ഷേമം ലക്ഷ്യമാക്കിയാണ് സഹായ പദ്ധതി പ്രഖ്യാപിച്ചത്. ഉത്തരകൊറിയയുമായി സംഘര്‍ഷ അന്തരീക്ഷമാണുള്ളതെങ്കിലും മാനുഷിക വിഷയങ്ങളില്‍ ഇതൊന്നും ബാധിക്കരുതെന്നാണ് ദക്ഷിണകൊറിയയുടെ നിലപാട്. അനുയോജ്യമായ സമയത്ത് സഹായങ്ങള്‍ അയക്കുമെന്ന് ദക്ഷിണ കൊറിയയുടെ ഔദ്യോഗിക വൃത്തങ്ങള്‍ അറിയിച്ചു. രാഷ്്ട്രീയ വിഷയങ്ങള്‍ക്കപ്പുറത്ത് കുട്ടികളുടെയും ഗര്‍ഭിണികളുടെയും ക്ഷേമത്തിനായി പ്രവര്‍ത്തിക്കുമെന്ന് അവര്‍ പറഞ്ഞു.