കോഴിക്കോട്: ഏഷ്യാനെറ്റ് ന്യൂസ് ആലപ്പുഴ ഓഫിസിനു നേരെയുണ്ടായ അക്രമത്തില്‍ പ്രതിഷേധിച്ച് കോഴിക്കോട്ട് കേരള പത്രപ്രവര്‍ത്തക യൂനിയന്‍ ജില്ലാ കമ്മിറ്റിയുടെ ആഭിമുഖ്യത്തില്‍ മാധ്യമപ്രവര്‍ത്തകര്‍ പ്രകടനവും യോഗവും നടത്തി.
പ്രതിഷേധ യോഗത്തില്‍ പ്രസ്‌ക്ലബ് പ്രസിഡന്റ് കമാല്‍ വരദൂര്‍ അധ്യക്ഷനായി. സ്വതന്ത്ര മാധ്യമപ്രവര്‍ത്തനത്തിനു നേരെയുണ്ടായ കടന്നാക്രമണമാണിതെന്നും രാത്രിയുടെ മറവില്‍ ഓഫിസ് അക്രമിച്ച ഗുണ്ടകളെ ഉടന്‍ അറസ്റ്റ് ചെയ്യണമെന്നും അദ്ദേഹം പറഞ്ഞു.
പ്രസ്‌ക്ലബ് സെക്രട്ടറി എന്‍. രാജേഷ്, കെ. പ്രേമനാഥ്, പി. വിപുല്‍നാഥ്, സി.ആര്‍ രാജേഷ് പ്രസംഗിച്ചു. പ്രകടനത്തിന് ഇ.പി മുഹമ്മദ്, കെ.സി റിയാസ്, സി.പി.എം സഈദ് അഹമ്മദ്, ആര്‍. രഞ്ജിത്ത്, എ.വി ഫര്‍ദിസ്, ജെ.എസ് ഷനില്‍, സൈനുല്‍ ആബിദീന്‍, സുരേഷ് മമ്പള്ളി, എ.സി നസീര്‍ബാബു നേതൃത്വം നല്‍കി.