ആനക്കര: പെരിങ്ങോട് കഥകളി പ്രമോഷന്‍ സൊസൈറ്റിയുടെ കേളീരവം 2016 ഉം തിരൂര്‍ നമ്പീശന്‍ അനുസ്മരണവും പാലക്കാട് ജില്ലാ പഞ്ചായത്ത് വൈസ് പ്രസിഡന്റ്  ടി.കെ. നാരായണദാസ് ഉദ്ഘാടനം ചെയ്തു. കെ.എം.എസ് നമ്പൂതിരിപ്പാട് അധ്യക്ഷനായി. പ്രൊഫ. ടി.ജി. വിജയകുമാര്‍ അനുസ്മരണ പ്രഭാഷണം നടത്തി.  ഈ വര്‍ഷത്തെ തിരൂര്‍ നമ്പീശന്‍ സ്മാരക കഥകളി സംഗീത ആചാര്യ പുരസ്‌കാരം പ്രശസ്ത കഥകളി സംഗീതജ്ഞന്‍ കലാമണ്ഡലം സുബ്രഹ്മണ്യന്  കോട്ടക്കല്‍ ഗോപി നായര്‍ സമ്മാനിച്ചു. സദനം ഭരതരാജന്‍ പ്രശസ്തി പത്രം അവതരിപ്പിച്ചു. കലാമണ്ഡലം ബാലസുബ്രഹ്മണ്യന്‍ ആശംസകള്‍ അര്‍പ്പിച്ചു. ടി. രാജീവ് സ്വാഗതവും വി.സുരേഷ് നന്ദിയും പറഞ്ഞു. തുടര്‍ന്ന് കുചേല വൃത്തം കഥകളിയും അരങ്ങേറി.