ന്യൂഡല്‍ഹി: ഡല്‍ഹി ആസാദ്പൂര്‍ മെട്രോ സ്‌റ്റേഷനില്‍ സി.ഐ.എസ്.എഫ് ജവാന്‍ വെടിയുതിര്‍ത്തു. സ്റ്റേഷനില്‍ ഒരു കൂട്ടം ആളുകള്‍ ബഹളം വയ്ക്കുകയം കൈയ്യേറ്റത്തിന് ശ്രമിക്കുകയും ചെയ്തതോടെയാണ് കോണ്‍സ്റ്റബിള്‍ മുകളിലേക്ക് വെടിവച്ചത്. ഇന്നലെ വൈകീട്ട് 7.37നായിരുന്നു സംഭവം.

മെട്രോ സ്‌റ്റേഷനില്‍ പുറത്ത് എത്തിയ രണ്ട് യാത്രക്കാരാണ് ബഹളമുണ്ടാക്കിയത്. ഇത് ശ്രദ്ധയില്‍പ്പെട്ട സി.ഐ.എസ്.എഫ് ഇവരെ പിടികൂടി പിഴ അടക്കാന്‍ നിര്‍ദേശിക്കുകയായിരുന്നു. തുടര്‍ന്ന് ബഹളം വച്ചതോടെയാണ് പ്രശ്‌നം പരിഹരിക്കാന്‍ സി.ഐ.എസ്.എഫ് സ്റ്റേഷനില്‍ മുകളിലേക്ക് വെടിവയ്ച്ചത്. സംഭവത്തില്‍ ആര്‍ക്കും പരുക്കില്ല. പിന്നീട് രംഗം ശാന്തമാക്കിയതായി സി.ഐ.എസ്.എഫ് അറിയിച്ചു.