ബ്ലൂംഫൊണ്ടേന്‍: ബംഗ്ലാദേശിനെതിരായ രണ്ടാം ക്രിക്കറ്റ് ടെസ്റ്റില്‍ ദക്ഷിണാഫ്രിക്കയ്ക്ക് ഇന്നിങ്‌സ് ജയം. ബംഗ്ലാദേശിന്റെ രണ്ടാമിന്നിങ്‌സ് 172 റണ്‍സില്‍ അവസാനിപ്പിച്ച ദക്ഷിണാഫ്രിക്ക ഇന്നിങ്‌സിനും 254 റണ്‍സിനുമാണ് വിജയിച്ചത്. രണ്ടിന്നിങ്‌സുകളിലുമായി പത്ത് വിക്കറ്റെടുത്ത കഗിസോ റബാഡയാണ് ബംഗ്ലാദേശിനെ തകര്‍ത്തത്. റബാഡയാണ് കളിയിലെ താരം. ഫെലുക്വായോ മൂന്ന് വിക്കറ്റ് വീഴ്ത്തി. ബംഗ്ലാ നിരയില്‍ ഒരാള്‍ക്ക് പോലും അര്‍ധ ശതകം നേടാന്‍ സാധിച്ചില്ല. മഹമ്മൂദുല്ല(43)യാണ് ടോപ് സ്‌കോറര്‍. ഇമ്രുല്‍ ഖയസ്(32) മുഷ്ഫിഖുര്‍ റഹീം(26) എന്നിവര്‍ക്ക് മികച്ച തുടക്കം കിട്ടിയിട്ടും മുതലാക്കാനായില്ല.
നേരത്തെ ദക്ഷിണാഫ്രിക്കയുടെ നാലിന് 573 എന്ന കൂറ്റന്‍ സ്‌കോര്‍ പിന്തുടര്‍ന്ന് ബംഗ്ലാദേശ് ആദ്യ ഇന്നിങ്‌സില്‍ ഫോളോ ഓണ്‍ വഴങ്ങിയിരുന്നു.