പാലക്കാട്: കെ.എസ്.ടി.എ മുന്‍ ജനറല്‍ സെക്രട്ടറിയും സി.പി.എം പുതുശ്ശേരി ഏരിയാ കമ്മിറ്റി അംഗവുമായ റഷീദ് കണിച്ചേരി (68) അന്തരിച്ചു.
കൊല്ലം പന്മന പുത്തന്‍ചന്ത കുളത്തിന്റെ വടക്കതില്‍ (കണിച്ചേരി) കെ.എം ഉമ്മര്‍ഖാന്റെയും പാത്തുമ്മാകുഞ്ഞിന്റെയും രണ്ടാമത്തെ മകനാണ്. പാലക്കാട് മോയന്‍ ഗേള്‍സ് ഹൈസ്‌കൂള്‍ അധ്യാപകനായിരുന്നു. എം.ബി രാജേഷ് എം.പിയുടെ ഭാര്യാ പിതാവാണ്.
സംസ്ഥാന കരിക്കുലം കമ്മിറ്റി, ക്വാളിറ്റി ഇംപ്രൂവ്‌മെന്റ് കമ്മിറ്റി, സംസ്ഥാന സാക്ഷരതാ മിഷന്‍, ശിശുക്ഷേമ സമിതി എന്നിവയില്‍ അംഗമായിരുന്നു.
ഭാര്യ: റിട്ട. അധ്യാപിക നബീസാബീവി. മക്കള്‍: നിതിന്‍ കണിച്ചേരി (ഡി.വൈ.എഫ്.ഐ കേന്ദ്ര കമ്മിറ്റിയംഗം, നിനിത (പി.എം.ജി ഹയര്‍സെക്കന്‍ഡറി സ്‌കൂള്‍ അധ്യാപിക). മരുമകള്‍: ശ്രീജ (ചാര്‍ട്ടേര്‍ഡ് അക്കൗണ്ടന്റ്).
ഇന്ന് രാവിലെ എട്ടുമുതല്‍ ഒന്‍പതുവരെ പാലക്കാട് കൊപ്പത്തെ കെ.എസ്.ടി.എ ജില്ലാ കമ്മിറ്റി ഓഫിസിലും തുടര്‍ന്ന് 11 വരെ സി.പി.എം പുതുശ്ശേരി ഏരിയാ കമ്മിറ്റി ഓഫിസിലും പൊതുദര്‍ശനത്തിനുവച്ച ശേഷം മൃതദേഹം മെഡിക്കല്‍ കോളജിന് കൈമാറും.