HOME
DETAILS

ഗര്‍ഭസ്ഥ ശിശുവിന്റെ ലിംഗനിര്‍ണയം: അറസ്റ്റ് തടഞ്ഞ ബി.ജെ.പി എം.എല്‍.എമാര്‍ വിവാദത്തില്‍

  
backup
October 18 2017 | 23:10 PM

%e0%b4%97%e0%b4%b0%e0%b5%8d%e2%80%8d%e0%b4%ad%e0%b4%b8%e0%b5%8d%e0%b4%a5-%e0%b4%b6%e0%b4%bf%e0%b4%b6%e0%b5%81%e0%b4%b5%e0%b4%bf%e0%b4%a8%e0%b5%8d%e0%b4%b1%e0%b5%86-%e0%b4%b2%e0%b4%bf%e0%b4%82


ലക്‌നൗ: ഗര്‍ഭസ്ഥ ശിശുവിന്റെ ലിംഗനിര്‍ണയ പരിശോധന നടത്തിയ ഡോക്ടര്‍മാരെ അറസ്റ്റ് ചെയ്യാന്‍ സമ്മതിക്കാതെ ബി.ജെ.പി എം.എല്‍.എമാര്‍. ഉത്തര്‍പ്രദേശിലെ ബി.ജെ.പി എം.എല്‍.എമാരായ സഞ്ജീവ് രാജ, അനില്‍ പരാശര്‍ എന്നിവരാണ് ദമ്പതികളായ ഡോക്ടര്‍മാരുടെ അറസ്റ്റിനു തടസം നില്‍ക്കുന്നത്. അലിഗഡിലാണ് സംഭവം.
അലിഗഡ് സ്വദേശികളായ ഡോ. ജയന്ത് ശര്‍മയും ഭാര്യയും നടത്തുന്ന ജീവന്‍ നഴ്‌സിങ് ഹോമിലാണ് അനധികൃതമായി ലിംഗപരിശോധന നടത്തിയത്.
രാജസ്ഥാന്‍ പ്രീ കണ്‍സെപ്ഷന്‍ ആന്‍ഡ് പ്രീനാറ്റല്‍ ഡയഗ്‌നോസ്റ്റിക് സെല്ലാണ് ഇവിടെ നടക്കുന്ന അനധികൃത ലിംഗനിര്‍ണയ പരിശോധന കണ്ടുപിടിച്ചത്. ഗര്‍ഭസ്ഥ ശിശുവിന്റെ ലിംഗ നിര്‍ണയം നടത്താന്‍ വന്ന യുവതിയെ പിന്തുടര്‍ന്ന അധികൃതര്‍ ഡോക്ടര്‍ ദമ്പതികളെ കസ്റ്റഡിയിലെടുക്കുമ്പോഴാണ് എം.എല്‍.എമാര്‍ ഇടപെട്ടു തടഞ്ഞത്. ആശുപത്രിയിലെ അള്‍ട്രാ സൗണ്ട് സ്‌കാനിങ് മെഷീന്‍ ജപ്തി ചെയ്യാനുള്ള അധികൃതരുടെ ശ്രമവും ഇവര്‍ തടഞ്ഞു.
വിഷയത്തിന്റെ ഗൗരവം ധരിപ്പിച്ചെങ്കിലും ഡോക്ടര്‍മാരെ അറസ്റ്റ് ചെയ്യാന്‍ എം.എല്‍.എമാര്‍ സമ്മതിക്കുന്നില്ലെന്ന് അലിഗഡിലെ ജില്ലാ മജിസ്‌ട്രേറ്റ് ഭാസ്‌കര്‍ യശോദിനെ ഉദ്ധരിച്ച് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. എന്നാല്‍ ആരോപണം നിഷേധിച്ച് ഡോ. ജയന്ത് ശര്‍മ രംഗത്തെത്തി.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."