മാഡ്രിഡ്: രാജ്യദ്രോഹം ആരോപിച്ച് ജയിലിലടച്ച കാറ്റലോണിയന്‍ പ്രക്ഷോഭകരെ വിട്ടയക്കണമെന്ന് ആവശ്യപ്പെട്ട് ബഴ്‌സലോണയില്‍ വന്‍ റാലി. സ്വതന്ത്ര രാഷ്ട്രത്തെ പിന്തുണക്കുന്ന രണ്ട് കാറ്റലോണിയന്‍ നേതാക്കളെ വിട്ടയക്കണമെന്ന് ആവശ്യപ്പെട്ടാണ് 200,000 വരുന്ന പ്രതിഷേധക്കാര്‍ ഇന്നലെ റാലി നടത്തിയത്.
കാറ്റലോണിയ നാഷനല്‍ അസംബ്ലി തലവന്‍ ജോര്‍ഡി കുക്‌സാര്‍ട്ട്, സ്വതന്ത്ര രാഷ്ട്രത്തെ പിന്തുണക്കുന്ന ഒമിനം കള്‍ച്ചര്‍ നേതാവ് ജോര്‍ഡി സാഞ്ചെസ് എന്നിവരെയാണ് സ്‌പെയിന്‍ പിടികൂടിയത്. ഗിര്‍നോ, റ്യൂസ് തുടങ്ങിയ നഗരങ്ങളില്‍ പ്രക്ഷോഭകാരികള്‍ മെഴുകുതിരികള്‍ കത്തിച്ച് പ്രതിഷേധത്തില്‍ പങ്കെടുത്തു. കഴിഞ്ഞ ദിവസമാണ് ഇരുവരെയും പൊലിസ് അറസ്റ്റുചെയ്തത്. സെപ്റ്റംബര്‍ 20,21 ദിവസങ്ങളില്‍ നടന്ന കാറ്റലോണിയയിലെ പ്രശ്‌നങ്ങള്‍ക്ക് സാമൂഹിക മാധ്യമങ്ങളിലൂടെ സാഞ്ചെസും കൂക്‌സാര്‍ട്ടും പ്രചോദനം നല്‍കിയെന്ന് മാഡ്രഡ് ഹൈക്കോടതി പറഞ്ഞു.