HOME
DETAILS

മര്യാദ പഠിപ്പിക്കാന്‍ 145 കിലോയുള്ള സ്ത്രീ കുട്ടിയുടെ മേല്‍ കയറിയിരുന്നു; കുട്ടി മരിച്ചു

  
backup
October 19 2017 | 01:10 AM

%e0%b4%ae%e0%b4%b0%e0%b5%8d%e0%b4%af%e0%b4%be%e0%b4%a6-%e0%b4%aa%e0%b4%a0%e0%b4%bf%e0%b4%aa%e0%b5%8d%e0%b4%aa%e0%b4%bf%e0%b4%95%e0%b5%8d%e0%b4%95%e0%b4%be%e0%b4%a8%e0%b5%8d%e2%80%8d-145-%e0%b4%95


ഫ്‌ളോറിഡ: ഒമ്പതു വയസുകാരിയായ സഹോദരി പുത്രിയുടെ ശരീരത്തില്‍ കയറിയിരുന്നതിനെ തുടര്‍ന്ന് കുട്ടി മരിച്ചതിനാല്‍ സ്ത്രീക്കെതിരേ കൊലപാതകത്തിന് കേസ്. വെറോണിക്ക പോസിയെന്ന 64 കാരിക്കെതിരേയാണ് ഫ്‌ളോറിഡ പൊലിസ് കേസെടുത്തിരിക്കുന്നത്. ഫ്‌ളോറിഡയിലെ പെന്‍സാകോലിയില്‍ ശനിയാഴ്ചയാണ് സംഭവം. സഹോദരി പുത്രി ഡെറിക്ക ലിന്‍ഡ്‌സെ അനുസരണക്കേട് കാണിച്ചതിനാല്‍ മര്യാദ പഠിപ്പിക്കാനാണ് കുട്ടിയുടെ മേല്‍ വെറോണിക്ക കയറിയിരുന്നത്. 34 കിലോ ഭാരമുള്ള കുട്ടിയുടെ മേല്‍ 140 കിലോ ഭാരമുള്ള വെറോണിക്ക കയറിയിരിക്കുകയായിരുന്നു.
തന്നെക്കാള്‍ നാലിരട്ടി ഭാരം താങ്ങാനാവാതെ ശ്വാസം മുട്ടിയാണ് ഡെറിക്ക മരിച്ചത്. ഹൃദയാഘാതമാണ് കുട്ടിയുടെ മരണ കാരണമെന്ന് പൊലിസ് പറഞ്ഞു. ശരീരത്തില്‍ കയറിയിരുന്നതിനാല്‍ ഡെറിക്കക്ക് ശ്വസിക്കാന്‍ കഴിഞ്ഞില്ലെന്നും തുടര്‍ന്ന് താന്‍ എഴുന്നേറ്റപ്പോഴേക്കുംകുട്ടിയുടെ ബോധം മറഞ്ഞെന്ന് വെറോണിക്ക പറഞ്ഞതായി എസ്‌കാമ്പിയ കൗണ്ടിയിലെ ശരീഫ് ഓഫിസ് വ്യക്തമാക്കി.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."