കാബൂള്‍: അഫ്ഗാന്‍ സൈനിക താവളത്തിന് നേരെ താലിബാന്‍ നടത്തിയ ആക്രമണത്തില്‍ ഒന്‍പത് സൈനികര്‍ കൊല്ലപ്പെട്ടു. നാലുപേര്‍ക്ക് പരുക്കേറ്റു. ഭീകരവാദികള്‍ സൈന്യത്തിനുനേരെ വെടിവയ്ക്കുകയായിരുന്നു.
പടിഞ്ഞാറെ പ്രവിശ്യയിലെ പഷ്ത് റോഡ് ജില്ലയിലാണ് ആക്രമണം നടന്നതെന്ന് അഫ്ഗാന്‍ സൈനിക വൃത്തങ്ങള്‍ അറിയിച്ചു. കഴിഞ്ഞ ദിവസം രാത്രിയായിരുന്നു ആക്രമണമുണ്ടായത്. തിരച്ചടിച്ച സൈന്യത്തിന്റെ ആക്രമണത്തില്‍ 17 ഭീകരവാദികള്‍ കൊല്ലപ്പെട്ടുവെന്നും നാലു മണിക്കൂറോളം പോരാട്ടം തുടര്‍ന്നതായും സൈനിക വൃത്തങ്ങള്‍ അറിയിച്ചു.