കോഴിക്കോട്: 22മത് ഓള്‍ഇന്ത്യ ഷിട്ടോറിയു കരാട്ടെ ചാംപ്യന്‍ഷിപ്പ് ഇന്നു മുതല്‍ കോഴിക്കോട്ട് ഇന്‍ഡോര്‍ സ്റ്റേഡിയത്തില്‍ നടക്കും. ഓള്‍ ഇന്ത്യ ഷിട്ടോറിയു കരാട്ടെ അസോസിയേഷന്റെ ആഭിമുഖ്യത്തില്‍ നടക്കുന്ന ചാംപ്യന്‍ഷിപ്പില്‍ വിവിധ സംസ്ഥാനങ്ങളില്‍ നിന്നായി 800ഓളം മത്സരാര്‍ഥികള്‍ പങ്കെടുക്കും. ഉദ്ഘാടനം രാവിലെ ഒന്‍പത് മണിക്ക് എക്‌സൈസ് മന്ത്രി ടി.പി രാമകൃഷ്ണന്‍ നിര്‍വഹിക്കും.
എം.എല്‍.എമാരായ ഡോ.എം.കെ മുനീര്‍, എ പ്രദീപ് കുമാര്‍, മേയര്‍ തോട്ടത്തില്‍ രവീന്ദ്രന്‍, സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ പങ്കെടുക്കും. വാര്‍ത്താസമ്മേളനത്തില്‍ കരാട്ടെ അസോസിയേഷന്‍ഓഫ് ഇന്ത്യ വൈസ് പ്രസിഡന്റ് സി.എസ് അരുണ്‍ മച്ചയ്യ, അല്‍ത്താഫ് ആലം, എം.കെ മധു, ഒ.വി രാജു പങ്കെടുത്തു.