ഇംഫാല്‍: മണിപ്പൂരില്‍ ഇറോംശര്‍മിള അവസാനിപ്പിച്ച സമരം തുടങ്ങാന്‍ യുവതി രംഗത്ത്. അഫ്‌സ്പ നിയമം പിന്‍വലിക്കണമെന്നാവശ്യപ്പെട്ട് 16 വര്‍ഷം നടത്തിയ നിരാഹാര സമരം അവസാനിപ്പിച്ചെങ്കിലും ഇതേആവശ്യം ഉന്നയിച്ചുകൊണ്ടാണ് മാധ്യമ പ്രവര്‍ത്തകയും രണ്ടു കുഞ്ഞുങ്ങളുടെ അമ്മയുമായ റോബിത ലീമയെന്ന യുവതി അനിശ്ചിതകാല നിരാഹാരം തുടങ്ങിയത.്
ഇംഫാല്‍ പട്ടണത്തില്‍ തന്നെ താമസിക്കുന്ന ലീമയുടെ സമരത്തിന് പിന്തുണയുമായി നൂറുകണക്കിന് ആളുകളാണ് സമരപന്തലില്‍ എത്തിയത്. എന്നാല്‍ ജനത്തിരക്കേറിയതോടെ വൈകീട്ട് അഞ്ചോടെ വന്‍ പൊലിസ് സംഘമെത്തി ലീമയെ അറസ്റ്റ് ചെയ്തു നീക്കി. അഫ്‌സ്പ നിയമം പിന്‍വലിക്കണമെന്നാവശ്യപ്പെട്ട് ഇറോംശര്‍മിള നടത്തിയ സമരം മണിപ്പൂരില്‍ ഒട്ടേറെ ചലനങ്ങള്‍ സൃഷ്ടിച്ചിരുന്നുവെങ്കിലും സമരം പിന്‍വലിച്ചതോടെ ഇവരുടെ പിന്തുണയും സ്വീകാര്യതയും നഷ്ടപ്പെടുന്ന കാഴ്ചയാണ് കഴിഞ്ഞ ഏതാനും ദിവസങ്ങളായി ഇംഫാലില്‍ കാണാന്‍ കഴിഞ്ഞത്.