കിളിമാനൂര്‍: സ്വാതന്ത്ര്യദിനാചരണത്തിന്റെ ഭാഗമായി പോങ്ങനാട് കേന്ദ്രമായി പ്രവര്‍ത്തിക്കുന്ന സമത റസിഡന്റ്‌സ് അസോസിയേഷന്റെ ആഭിമുഖ്യത്തില്‍ ശുചീകരണ പ്രവര്‍ത്തനങ്ങള്‍ നടത്തി. പറങ്കിമാംവിള  ജങ്ഷന്‍ മുതല്‍ പോങ്ങനാട് വരെയുള്ള മുഴുവന്‍ പ്രദേശങ്ങളിലെയും ഓടകള്‍ ശുചീകരിക്കുകയും പുല്ല് നീക്കം ചെയ്യുകയും ചെയ്തു. കിളിമാനൂര്‍ ഫ്രാക്ക് പ്രസിഡന്റ് ബേബി ഹരീന്ദ്രദാസ് ഉദ്ഘാടനം ചെയ്തു. വെള്ളല്ലൂര്‍ സലാഹുദ്ദീന്‍, സനല്‍, എ നൗഷാദ്, എസ് മോഹന്‍ദാസ്, ടി അജികുമാര്‍, എന്‍ ബെറ്റി, വി.എസ് ജയശ്രീ, ബീനാരാജന്‍, എ ഷൈമ, ലാലിജയകുമാര്‍, എസ് യശോദ, ശ്രീകല സംസാരിച്ചു. സമാപനയോഗം കിളിമാനൂര്‍ പഞ്ചായത്ത് പ്രസിഡന്റ് എസ് രാജലക്ഷ്മി അമ്മാള്‍ ഉദ്ഘാടനം ചെയ്തു. വൈസ് പ്രസിഡന്റ് എ ദേവദാസ് സംസാരിച്ചു.