ദോഹ: വിജയകരമായ സന്ദര്‍ശനത്തിന് ശേഷം ഇന്ത്യന്‍ കോസ്റ്റ് ഗാര്‍ഡ് കപ്പല്‍ സമര്‍ഥ് ഖത്തറില്‍ നിന്നും മടങ്ങി. സമര്‍ഥിലെ കമാന്റിങ് ഓഫിസര്‍ ഡി.ഐ.ജി കെ.ആര്‍ ദീപക് കുമാറും ഖത്തര്‍ കോസ്റ്റ്‌സ് ആന്റ് ബോര്‍ഡര്‍ സെക്യൂരിറ്റി വിഭാഗം ഡയറക്ടര്‍ ബ്രിഗേഡിയര്‍ അലി എ.എസ് അല്‍ ബിദീദും കോസ്റ്റ് ഗാര്‍ഡ് ആസ്ഥാനത്ത് കൂടിക്കാഴ്ച നടത്തി. ഖത്തരി ആമീരി നാവിക സേനയിലെ മുതിര്‍ന്ന ഉദ്യോഗസ്ഥരുമായും കമാന്റിങ് ഓഫിസര്‍ കൂടിക്കാഴ്ച നടത്തി.

വിവിധ ഇന്ത്യന്‍ സ്‌കൂളുകളില്‍ നിന്നായി 167 വിദ്യാര്‍ഥികളും 17 അധ്യാപകരും കപ്പല്‍ സന്ദര്‍ശിക്കാന്‍ ഹമദ് തുറമുഖത്തെത്തി. ഇന്ത്യയുടേയും ഖത്തറിന്റേയും തീരസംരക്ഷണ സേനാംഗങ്ങള്‍ സംയുക്ത പരിശീലനം നടത്തി.