എട്ടാമത് ദുബൈ ഫിറ്റ്നസ് ചലഞ്ച് 2024 ഒക്ടോബർ 26-മുതൽ ആരംഭിക്കും. മുപ്പത് ദിവസങ്ങളിലായി നടക്കുന്ന ദുബൈ ഫിറ്റ്നസ് ചലഞ്ചിന്റെ ഭാഗമായി ദുബൈ നഗരത്തിന്റെ വിവിധ ഇടങ്ങളിൽ വിത്യസ്ത ഫിറ്റ്നസ് പരിപാടികൾ നടക്കുന്നതാണ്.എമിറേറ്റിലെ നിവാസികൾക്കിടയിലും, സന്ദർശകർക്കിടയിലും ആരോഗ്യകരമായ ജീവിതശൈലി പ്രോത്സാഹിപ്പിക്കുന്നതിനായാണ് ദുബൈ ഫിറ്റ്നസ് ചലഞ്ച് നടത്തിവരുന്നത്. ഇത്തവണത്തെ ദുബൈ ഫിറ്റ്നസ് ചലഞ്ച് നവംബർ 24 വരെ നീണ്ട് നിൽക്കും.

നിത്യ ജീവിതത്തിൽ കായിക വിനോദങ്ങളുടെയും, വ്യായാമത്തിന്റെയും പ്രാധാന്യത്തെക്കുറിച്ച് ദുബൈ ഫിറ്റ്നസ് ചലഞ്ച് സമൂഹത്തിൽ അവബോധം സൃഷ്ടിക്കുന്നു. ഒരു മാസത്തെ കാലയളവിൽ ദിനവും 30 മിനിറ്റ് വീതം വിവിധ കായിക വിനോദങ്ങളിലും, ഫിറ്റ്നസ് പ്രവർത്തങ്ങളിലും ഏർപ്പെടാൻ ദുബൈ ഫിറ്റ്നസ് ചലഞ്ച് ആഹ്വാനം ചെയ്യുകയും അവസരമൊരുക്കുകയും ചെയ്യുന്നു.

ദുബൈ കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ നേതൃത്വത്തിൽ 2017-ലാണ് ദുബൈ ഫിറ്റ്നസ് ചലഞ്ച് എന്ന പേരിലുള്ള ഈ പരിപാടിയ്ക്ക് തുടക്കം കുറിച്ചത്. ദുബൈയെ ലോകത്തിലെ ഏറ്റവുംആരോഗ്യമുള്ള നഗരമാക്കാൻ ലക്ഷ്യമിട്ടാണ് അദ്ദേഹം ഇത്തരം ഒരു പരിപാടി ആരംഭിച്ചത്.ദുബൈ റൺ, ദുബൈ റൈഡ് എന്നീ പടിപടികൾക്ക് പുറമെ കൈറ്റ് ബീച്ച്, അൽ വർഖ പാർക്ക്, സബീൽ പാർക്ക് എന്നിവിടങ്ങളിലെ ഫിറ്റ്നസ് വില്ലേജുകളും ദുബൈ  ഫിറ്റ്നസ് ചലഞ്ചിന്റെ ഭാഗമായി നടക്കുന്നതാണ്.

The 8th edition of the Dubai Fitness Challenge is set to begin on October 26, encouraging residents and visitors to commit to 30 minutes of daily physical activity for 30 days. The citywide initiative offers a wide range of fitness activities, classes, and events to promote a healthy and active lifestyle. Participants of all ages and fitness levels are invited to join and make fitness a fun, community-driven experience.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക