മൈഡുഗുരി: നൈജീരിയയിലെ മൈഡുഗുരിയില്‍ ചാവേര്‍ ആക്രമണത്തില്‍ 12 പേര്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റിട്ടുണ്ട്. നൈജീരിയയിലെ വടക്കു കിഴക്കന്‍ നഗരമായ മൈഡുഗുരിയിലെ മുന ജില്ലയില്‍ ബുധനാഴ്ചയായിരുന്നു സ്‌ഫോടനം നടന്നത്.

രണ്ടു സ്ത്രീകളും രണ്ടു പുരുഷന്മാരുമാണ് പൊട്ടിത്തെറിച്ചതെന്നാണ് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തത്. ആക്രമണത്തിന്റെ ഉത്തരവാദിത്വം ഇതുവരെ ആരും ഏറ്റെടുത്തിട്ടില്ല.