മട്ടാഞ്ചേരി: റിയോ ഒളിംപിക്‌സിന് ഐക്യദാര്‍ഢ്യം പ്രഖ്യാപിച്ച കൊണ്ട് ഫോര്‍ട്ടുകൊച്ചി ജനമൈത്രി പൊലിസിന്റെ ആഭിമുഖ്യത്തില്‍ കൊച്ചി കാണാനെത്തുന്ന വിദേശ സഞ്ചാരികള്‍ക്കായി ഷട്ടില്‍ ടൂര്‍ണമെന്റ് നടത്തി. ഫോര്‍ട്ടുകൊച്ചി വലിയ പത്തായതോടിനു സമീപത്തെ ജനമൈത്രി കേന്ദ്രത്തിലായിരുന്നു മത്സരം നടന്നത്.
ബ്രിട്ടന്‍, ഫ്രാന്‍സ്, ആസ്‌ട്രേലിയ, ഓസ്ട്രിയ, ജപ്പാന്‍ തുടങ്ങിയ രാജ്യങ്ങളില്‍ നിന്നുള്ള സഞ്ചാരികള്‍ മത്സരത്തില്‍ പങ്കെടുത്തു. വിദേശികള്‍ക്കൊപ്പം നാട്ടുകാര്‍ക്കും മത്സരം നടത്തി. ഫോര്‍ട്ടുകൊച്ചി സബ് ഇന്‍സ്‌പെക്ടര്‍ എസ്. ദ്വിജേഷ് ഒളിമ്പിക്‌സ് മത്സരങ്ങളുടെ സന്ദേശം നല്‍കി. ടൂറിസം പൊലിസ് സബ് ഇന്‍സ്‌പെക്ടര്‍ സുനില്‍കുമാര്‍, ജനമൈത്രി സി.ആര്‍.ഒ . സേവ്യര്‍ കെ.ടി. ഷട്ടില്‍ പരിശീലകന്‍ ലൂയിസ് എന്നിവര്‍ സംസാരിച്ചു.