തിരുവനന്തപുരം: നിയമസഭ സമ്മേളനം ബഹിഷ്‌കരിച്ച സി.പി.ഐ നടപടിയെ വിമര്‍ശിച്ച കെ.ഇ ഇസ്മായിലിനെതിരേ തല്‍ക്കാലം നടപടിയില്ല.

ഇസ്മായില്‍ വിഷയം അടഞ്ഞ അധ്യായമെന്ന് സി.പി.ഐ ദേശീയ നേതാവ് സുധാകര്‍ റെഢി പറഞ്ഞു. സംസ്ഥാനത്ത് തന്നെ പരിഹരിക്കാവുന്ന വിഷയമാണത്. വേണമെങ്കില്‍ അടുത്ത സെക്രട്ടേറിയറ്റ് യോഗത്തില്‍ വിഷയം പരിഗണിക്കുമെന്നും സുധാകര്‍ റെഢി പറഞ്ഞു.

അതേസമയം, തനിക്ക് നാക്കുപിഴച്ചതാണെന്ന് കെ.ഇ ഇസ്മായില്‍ ദേശീയ സെക്രട്ടേറിയറ്റില്‍ അറിയിച്ചു. ഇന്ന് ചേര്‍ന്ന ദേശീയ എക്‌സിക്യൂട്ടീവ് യോഗമാണ് തല്‍ക്കാലം ഇസ്മായിലിനെതിരേ നടപടിയെടുക്കേണ്ടെന്ന് തീരുമാനിച്ചത്.