ഉത്തര്‍പ്രദേശിലെ കര്‍ഷകര്‍ ഡല്‍ഹിയിലേക്ക് മാര്‍ച്ച് നടത്തുന്നു. ഭാരതീയ കിസാന്‍ പരിഷത്താണ് പാര്‍ലമെന്റിലേക്ക് മാര്‍ച്ച് നടത്തുന്നത്. 

കര്‍ഷകരെ തട്യാന്‍ ഡല്‍ഹി അതിര്‍ത്തിയില്‍ പൊലിസ് സേനയെ വിന്യസിച്ചു. ഡല്‍ഹി ചലോ' മാര്‍ച്ചിനായി കര്‍ഷകര്‍ സംഘടിച്ചതോടെ ഡല്‍ഹി-നോയിഡ അതിര്‍ത്തികളില്‍ വന്‍ ഗതാഗതക്കുരുക്കുണ്ടായി.ബോര്‍ഡറിലും ഡല്‍ഹിനോയിഡ ഫ്‌ളൈ ഓവറിനുമിടയ്ക്ക് വാഹനങ്ങളുടെ നീണ്ടനിരയാണ് രൂപപ്പെട്ടത്. നോയിഡയെയും ഡല്‍ഹിയെയും ബന്ധിപ്പിക്കുന്ന ഹൈവേകളുടെ ഒരു വശത്തെ ഗതാഗതം തടസ്സപ്പെട്ടു. 

പുതിയ കാര്‍ഷിക നിയമപ്രകാരം നഷ്ടപരിഹാരവും ആനുകൂല്യങ്ങളും ഉള്‍പ്പെടെ വിവിധ ആവശ്യങ്ങളുന്നയിച്ചാണ് കര്‍ഷകര്‍ മാര്‍ച്ച് നടത്തുന്നത്. അതിര്‍ത്തിയില്‍ പരിശോധനകള്‍ കര്‍ശനമാക്കി.

നോയിഡയിലെ മഹാമായ ഫ്‌ളൈ ഓവറിന് സമീപമാണ് പ്രതിഷേധം ആരംഭിച്ചത്. കര്‍ഷകര്‍ കാല്‍നടയായും ട്രാക്ടറുകളിലുമായാണ് ഡല്‍ഹിയിലേക്ക് മാര്‍ച്ച് ചെയ്യുന്നത്. 

ഭാരതീയ കിസാന്‍ പരിഷത്തും (ബികെപി) കിസാന്‍ മസ്ദൂര്‍ മോര്‍ച്ചയും (കെഎംഎം), സംയുക്ത് കിസാന്‍ മോര്‍ച്ചയും (എസ്‌കെഎം) ഉള്‍പ്പെടെയുള്ളവര്‍ പ്രതിഷേധ മാര്‍ച്ചില്‍ പങ്കെടുക്കുന്നുണ്ട്.

#WATCH | Uttar Pradesh | Farmers under different farmer organisations protest near Dalit Prerna Sthal in Noida as they are not allowed to enter Delhi pic.twitter.com/JMVaeYp872

— ANI (@ANI) December 2, 2024