ദുബൈ: 46-ാമത് യു.എ.ഇ ദേശീയ ദിനാഘോഷത്തിന്റെ ഭാഗമായി ദുബൈ നഗരസഭയുമായി സഹകരിച്ച് എസ്.കെ.എസ്.എസ്.എഫ് 'ക്ലീന്‍ അപ് ദ വേള്‍ഡ് ' ശുചീകരണ പരിപാടി സംഘടിപ്പിച്ചു. ഐക്യരാഷ്ട്രസഭയുടെ നഗരശുചീകരണ പദ്ധതിയുടെ ഭാഗമായി നടത്തിവരുന്ന പരിപാടിയില്‍ തുടര്‍ച്ചയായ അഞ്ചാം തവണയാണ് ദുബൈ എസ്.കെ.എസ്.എസ്.എഫ് പങ്കാളികളാകുന്നത്.
പാം ദേര ഏരിയയില്‍ നടന്ന പരിപാടിക്ക് നേതാക്കളായ ഹുസൈന്‍ ദാരിമി, ഇബ്‌റാഹിം ഫൈസി, അബ്ദുല്‍ ഖാദര്‍ ഫൈസി, മുസ്തഫ മൗലവി, അബ്ദുല്‍ ജലീല്‍ എടക്കുളം, അസ്ഗറലി തങ്ങള്‍, ശറഫുദ്ദീന്‍ ഹുദവി, ഹൈദര്‍ ഹുദവി, അഡ്വ. ശറഫുദ്ദീന്‍, ഫാസില്‍ മെട്ടമ്മല്‍, ഉസ്മാന്‍ പറമ്പത്ത്, ഹസ്സന്‍ രാമന്തളി, അന്‍വറുല്ല ഹുദവി, കബീര്‍ അസ്അദി, ഉമൈര്‍ വയനാട്, മുഹമ്മദ് ജിബിന്‍, ടി.എം.എ സിദ്ദീഖ് നേതൃത്വം നല്‍കി. തുടര്‍ന്നു നടന്ന സംഗമത്തില്‍ അഡ്വ. ഹനീഫ് ഹുദവി മുഖ്യ പ്രഭാഷണവും ഷൗക്കത്തലി ഹുദവി, ഹുസൈന്‍ ദാരിമി, മുനിസിപ്പാലിറ്റി ഉദ്യോഗസ്ഥന്മാര്‍ എന്നിവര്‍ ആശംസാ പ്രഭാഷണവും നടത്തി.