പുല്‍പ്പള്ളി: മുള്ളന്‍കൊല്ലിയില്‍ നടന്ന സംസ്ഥാന സീനിയര്‍ ബാസ്‌ക്കറ്റ്‌ബോള്‍ ചാംപ്യന്‍ഷിപ്പില്‍ പുരുഷ-വനിതാ വിഭാഗങ്ങളില്‍ തിരുവനന്തപുരം ജേതാക്കളായി. വനിതാ വിഭാഗത്തില്‍ തിരുവനന്തപുരം, പാലക്കാടിനെയും(59-22), പുരുഷ വിഭാഗത്തില്‍ തിരുവനന്തപുരം, എറണാകുളത്തിനെയും(84-55) പരാജയപ്പെടുത്തി. മികച്ച കളിക്കാരായി ഗ്രീമ മെര്‍ലില്‍ വര്‍ഗീസ്, ശ്രീരാഗ് എസ് നായര്‍ (ഇരുവരും തിരുവനന്തപുരം) എന്നിവരെ തിരഞ്ഞെടുത്തു. അടുത്ത വര്‍ഷം സംസ്ഥാന സീനിയര്‍ ചാംപ്യന്‍ഷിപ്പ് നവംബറില്‍ കോട്ടയം അതിരമ്പുഴയില്‍ നടക്കും.
സമാപന സമ്മേളനം മുള്ളന്‍കൊല്ലി പഞ്ചായത്ത് പ്രസിഡന്റ് ഗിരിജാ കൃഷ്ണന്‍ ഉദ്ഘാടനം ചെയ്തു. കേരള ബാസ്‌ക്കറ്റ്‌ബോള്‍ അസോസിയേഷന്‍ പ്രസിഡന്റ് പി.ജെ സണ്ണി അധ്യക്ഷനായി. ഫാ. ചാണ്ടി പിണക്കാട്ട്, ഡോ.കെ.എം റോയ്, ജോര്‍ജ്ജ് തട്ടാമ്പറമ്പില്‍ വിജയികള്‍ക്കുളള സമ്മാനങ്ങള്‍ വിതരണം ചെയ്തു.