അഹമ്മദാബാദ്: പ്രശ്‌നങ്ങളെ അഭിമുഖീകരിക്കാന്‍ തയാറാകാതെ വൈകാരികത ഉയര്‍ത്തിവിട്ട് മോദി നടത്തുന്ന പ്രചാരണത്തിനെതിരേ വിമര്‍ശനവുമായി കോണ്‍ഗ്രസ്. അടിസ്ഥാനമില്ലാത്ത ആരോപണങ്ങള്‍ ഉന്നയിച്ച് ജനങ്ങളെ വൈകാരികമായി സ്വാധീനിക്കാനാണ് അദ്ദേഹം ശ്രമിക്കുന്നതെന്ന് മുതിര്‍ന്ന കോണ്‍ഗ്രസ് നേതാവ് ആനന്ദ് ശര്‍മ ആരോപിച്ചു. യു.പിയിലും ബിഹാറിലുമെല്ലാം സോണിയാ ഗാന്ധി, രാഹുല്‍ ഗാന്ധി അടക്കമുള്ള നേതാക്കളെ മോദി പരിഹാസ്യമായിട്ടാണ് നേരിടുന്നത്. എന്നാല്‍ ഗുജറാത്തില്‍ കോണ്‍ഗ്രസ് അദ്ദേഹത്തെ ഒരിക്കല്‍പോലും അവഹേളിച്ചിട്ടില്ല. വാസ്തവങ്ങളാണ് തങ്ങള്‍ ഉന്നയിക്കുന്നത്. അതിനോട് മുഖംതിരിഞ്ഞ് നിന്നിട്ട് കാര്യമില്ലെന്നും ആനന്ദ് ശര്‍മ പറഞ്ഞു.