വടകര : ഓട്ടോ ഡ്രൈവറായ സി.പി.എം പ്രവര്‍ത്തകന് വെട്ടേറ്റു. വലിയമല കുന്താം പറമ്പത്ത് മീത്തല്‍ ശ്രീജേഷിന്(37) ആണ് വെട്ടേറ്റത്. ഇന്നലെ വൈകുന്നേരം ആറരയോടെയാണ് സംഭവം.
വടകരയില്‍ നിന്ന് ഓട്ടോ വിളിച്ചു കൊണ്ടു പോയ സംഘമാണ് ജനതാ റോഡിന് സമീപത്ത് വച്ച് ഓട്ടോയില്‍ നിന്നിറങ്ങി വെട്ടിയത്. ഗുരുതരമായി പരുക്കേറ്റ ശ്രീജേഷിനെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
വടകര പുതിയാപ്പിലെ ഓട്ടോ ഡ്രൈവറാണ് ശ്രീജേഷ്. സംഭവത്തിന്റെ കാരണം വ്യക്തമല്ല. പൊലിസ് അന്വേഷണമാരംഭിച്ചു. എസ്.ഡി.പി.ഐ പ്രവര്‍ത്തകരാണ് സംഭവത്തിനു പിന്നിലെന്ന് സി.പി.എം ആരോപിച്ചു.