ചെന്നൈ: തമിഴ്‌നാട്ടില്‍ മുന്‍മുഖ്യമന്ത്രി ജയലളിതയുടെ മരണത്തെ തുടര്‍ന്ന് ഒഴിവുവന്ന ആര്‍.കെ നഗര്‍ മണ്ഡലത്തില്‍ നടക്കുന്ന ഉപതെരഞ്ഞെടുപ്പില്‍ അണ്ണാ ഡി.എം.കെ സ്ഥാനാര്‍ഥിയായി ഇ. മധുസൂദനന്‍ മത്സരിക്കും. ഉപമുഖ്യമന്ത്രി ഒ. പനീര്‍ശെല്‍വത്തിന്റെ ഏറ്റവും അടുത്ത അനുയായിയാണ് ഇദ്ദേഹം. മുഖ്യമന്ത്രി പളനിസാമി പക്ഷവുമായി നടത്തിയ കടുത്ത സമ്മര്‍ദത്തിനൊടുവിലാണ് പനീര്‍ശെല്‍വം പക്ഷത്തെ പ്രമുഖനായ മധുസൂദനനെസ്ഥാനാര്‍ഥിയായി പ്രഖ്യാപിച്ചത്
അണ്ണാ ഡി.എം.കെ നോര്‍ത്ത് ചെന്നൈ മുന്‍സെക്രട്ടറിയായ അദ്ദേഹം കഴിഞ്ഞ ഏപ്രിലില്‍ നടത്താനിരുന്ന ഉപതെരഞ്ഞെടുപ്പിലും സ്ഥാനാര്‍ഥിയായിരുന്നു.
ശശികല പക്ഷം നേതൃത്വം നല്‍കുന്ന വിമതവിഭാഗം സ്ഥാനാര്‍ഥിയായി ടി.ടി.വി ദിനകരന്‍ മത്സരിക്കും. ഡിസംബര്‍ 21നാണ് ആര്‍.കെ നഗര്‍ ഉപതെരഞ്ഞെടുപ്പ്.