കൊച്ചി: ഓഖി ചുഴലിക്കാറ്റിനെ തുടര്‍ന്ന് കാണാതായ 72 പേരെ കൂടി തീരസംരക്ഷണ സേന ഇന്ന് കണ്ടെത്തി. ആറു ബോട്ടുകളിലായി കുടുങ്ങിയ 72 പേരെയാണ് രക്ഷപ്പെടുത്തിയത്.

ഇതില്‍ അഞ്ചു ബോട്ടുകള്‍ തമിഴ്‌നാട്ടില്‍ നിന്നുള്ളതും ഒന്ന് കേരളത്തില്‍ നിന്നുള്ളതുമാണ്.

തമിഴ്‌നാട്ടില്‍നിന്നുള്ള ബോട്ടുകളില്‍ 58 പേരുണ്ട്. കേരളത്തില്‍ നിന്നുള്ളതില്‍ 14 മത്സ്യത്തൊഴിലാളികളാണ് ഉള്ളത്.

ലക്ഷദിപിനു സമീപത്തുനിന്നാണ് ഇവരുടെ ബോട്ടുകള്‍ കണ്ടെത്തിയത്. ആര്‍ക്കും ആരോഗ്യ പ്രശ്‌നങ്ങളൊന്നുമില്ല. കനത്ത കാറ്റില്‍ ദിശതെറ്റി ബോട്ടുകള്‍ ലക്ഷദ്വീപ് തീരത്ത് എത്തുകയായിരുന്നുവെന്ന് മത്സ്യത്തൊഴിലാളികള്‍ പറഞ്ഞു.

കാലാവസ്ഥ അനുകൂലമാകുന്ന മുറക്ക് സ്വന്തം ബോട്ടുകളില്‍ നാട്ടിലേക്ക് മടങ്ങാനാണ് മത്സ്യത്തൊഴിലാളികളുടെ തീരുമാനം.