കാഠ്മണ്ഡു: നേപ്പാളില്‍ ആഭ്യന്തര യുദ്ധം അവസാനിച്ച ശേഷം നടന്ന പ്രഥമ പൊതുതെരഞ്ഞെടുപ്പില്‍ കമ്മ്യൂണിസ്റ്റ് സഖ്യത്തിനു മുന്നേറ്റം.
അവസാനമായി വിവരങ്ങള്‍ ലഭിക്കുമ്പോള്‍ കമ്മ്യൂണിസ്റ്റ് പാര്‍ട്ടി ഓഫ് നേപ്പാള്‍(യൂനിഫൈഡ് മാര്‍ക്‌സിസ്റ്റ് ലെനിനിസ്റ്റ്),
കമ്മ്യൂണിസ്റ്റ് പാര്‍ട്ടി ഓഫ് നേപ്പാള്‍(മാവോയിസ്റ്റ് സെന്റര്‍) സഖ്യം 19 മണ്ഡലങ്ങളില്‍ വിജയം നേടുകയും 81 ഇടത്ത് മുന്നിട്ടുനില്‍ക്കുകയുമാണ്.
ആകെ 275 അംഗ പാര്‍ലമെന്റില്‍ 165 മണ്ഡലങ്ങളിലേക്കാണ് നേരിട്ട് തെരഞ്ഞെടുപ്പ് നടക്കുന്നത്. 110 മറ്റ് അംഗങ്ങളുടെ പ്രാതിനിധ്യത്തിന്റോ തോത് അനുസരിച്ച് പാര്‍ട്ടികള്‍ക്ക് അനുവദിക്കുകയുമാണ് ചെയ്യുക.
നിലവിലെ ഭരണകക്ഷിയായ നേപ്പാള്‍ കോണ്‍ഗ്രസ് പാര്‍ട്ടിക്ക് ആകെ മൂന്നിടത്ത് മാത്രമേ ഇതുവരെ വിജയിക്കാനായിട്ടുള്ളൂ.
കമ്മ്യൂണിസ്റ്റ് സഖ്യം രാജ്യം ഭരിക്കുമെന്നാണു രാഷ്ട്രീയ നിരീക്ഷകര്‍ വിലയിരുത്തുന്നത്. വ്യാഴാഴ്ചയാണ് രാജ്യത്ത് വോട്ടെണ്ണല്‍ ആരംഭിച്ചത്.
അന്തിമഫലം പുറത്തുവരാന്‍ ഇനിയും ദിവസങ്ങള്‍ എടുക്കുമെന്നാണു വിവരം.
നവംബര്‍ 26നും ഡിസംബര്‍ ഏഴിനുമായി രണ്ടുഘട്ടങ്ങളിലായാണ് നേപ്പാളില്‍ തെരഞ്ഞെടുപ്പ് നടന്നത്.